Wa Sarabyin: November 2 Hta Vatican’s Teutonic Lu Wa Kaw Misa Hkungga Nawng Jau Na

Wa Sarabyin: November 2 Hta Vatican’s Teutonic Lu Wa Kaw Misa Hkungga Nawng Jau Na

Wa Sarabyin Francis gaw November 2, bat 1 ya shani, Coronavirus a majaw kam sham ai hpung masha ni n lawm ai rai tim, Vatican’s Teutonic lup wa hta wenyi ni yawng a matu Misa Hkungga nawng jau ya na re lam chye lu ai.

Ndai Misa Hkungga gaw kam sham ai hpung masha ni nlawm ai sha nawng jau na rai nna, Misa Hkungga nawng ngut jang, Wa Sarabyin gaw lu wa hta shawng akyu hpyi la let, Vatican Grottoes de sa nna nnga mat sai Sarabyin ni yawng hpe myit dum akyu hpyi ai lam galaw sa wa na re lam chyu lu ai.

November 5, bat 4 ya shani, hkying 11: 00 a.m., hta mung Wa Sarabyin Francis gaw nnga mat sai Cardinal ni hte Saradaw ni a matu Misa Hkungga nawng jau ya na re lam chye lu ai.

November shata tup hta Vatican, San Peter’s Basilica (San Peter Nawku Htingnu) kata nawku daw jau ai lam hpe Covid-19 makawp masin jahkrat da ai hte maren hkan shatup let hpung masha nkau ni hte galaw sa wa na re lam chye lu ai.

2018 shaning na wenyi ni a matu akyu hpyi nhtoi hta, Laurentino Lup Wa kaw nnga mat sai ma ni hte kanu a hkritung kaw si mat ai ma chyangai ni a matu Misa Hkungga nawng ya lai wa ai.

2017 hta mung dai nhtoi hta, Nettuno kaw nga ai American hpyen dap lup wa kaw sa nna majan hta asak sum mat ai ni a matu akyu hpyi hkung ga jaw ai lam galaw lai wa ai.

Vatican Shiga Dap kaw nna ndau da ma ai.

2020, November 2, bat 1 ya shani hta, anhte RVA Jinghpaw nsen shadap kaw nna mung nnga mat sai wenyi ni a matu Misa Hkungga nawng jau ai lam hpe jahpawt daw 6: 30 a.m., kaw kalang, shana daw 4: 00 p.m., kaw kalang live shapoi ya na rai ga ai majaw nu wa hpu nau ni yawng RVA Kachin Facebook Page kaw n hprai ai sha shang lawm chyeju hkam la ga.

Ndai 2020 shaning na nnga mai sai wenyi ni a matu akyu hpyi ya let Indulgence hkam la ai lam hpe mung, Covid- 19 chyambra ana zingli a majaw, shawoi masat da ai hpe bai shatsawm jahtuk da ya ai lam nga ai hpe hpung masha ni dum shai nga let Wa Sarabyin kaw nna laklai ai ahkaw ahkang jaw da ai hpe hkrak tup hkan shatup let Indulgence chyeju hkam la nga ga.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-10/pope-francis-mass-on-2-november-at-vatican-s-teutonic-cemetery.html