Wa Sarabyin: Masha shagu prat a lachyum hpe chye na u ga garum ya na matu Hpaji ninghkring ni hpe n gun jaw dat ai shiga!

World Environment Day, Mungkan a shingra maka makau grupyin nhtoi hpe shaning shagu June (5) ya shani galaw ai rai nga ai. Dai shani na online zuphpawng hta Hpaji ninghkring ni shang lawm na matu Wa Sarabyin kawn n gun jaw saw shaga da nga ai.

“Daini na aten hta, Manaw manang wuhpung, kahpu kanau wuhpung ngu hkam la na amying shingteng jaw lu na matu byin wa ai majaw kabu nngai” ngu Wa Sarabyin tsun da nga ai.

Tau nau hkyen da ai lam nnga ai sha, sharin sara lahkawng hte rau ndai lamang hpe galaw hpang lu ai re lam chye lu ai.Yak hkak ai lapran hta hkrit myit gaw anhte hpe ka up taw nga ai. Dai zawn aten hta anhte tinang hkum hpe lachyum nnga, chyinghka la makoi da ai gaw, tinang hkum hpe kaman shatai la ai tai nga ai. Dai ni na ramma ni a masin salum hpe madat ya na ra sai.

“Hpaji hparat ngu ai gaw chye da na matu sha n rai nga ai; Ga shadawn, htunghking lam hte seng nna madat, sam maram, jahtuk shatsawm, shatsaw shagrau na matu rai nga ai. Dai zawn galaw ai lam nnga ai machye machyang gaw hpaji nrai nga ai,” nga nna Wa Sarabyin tsun shadum da ai.

Hpaji gaw  bawnu hte sawn sumru; myit masin salum kaw na hkam sha; tatut hkan galaw ai lam rai nga ai. Sak kaba sai ni gaw ma ni hte ramma ni a myit mang yaw shada ai lam ni hta hkam sha lawm na ra taw nga sai. Dai zawn n galaw ai rai yang ru pawt n nga, labau n nga, ga sadi n nga, galu kaba lam n nga, shawng lam a matu tau nau myihtoi htoi lam n nga ai hte bung mat na re ngu nna mung matut tsun shadum da ai.

Masha shagu gaw chyeju dum chye ai, lachyum nga ai prat hta hkawm sa ai, hte tsawm htap ai hku nga pra ai ngu ai lam yan masum hte hpring zup ra ai.

Mayak mahkak ni hpe tawt lai lu na matu gaw tsawra myit kaba ai sharin sara ni zawn, anhte ni shawang tsawra myit hte gat hkai dan la shu la, mani sai hte rau hkawm sa wa na ra ga ai.

05 June 2020, 16:00

https://www.vaticannews.va/en/pope/news/2020-06/pope-francis-sends-message-of-encouragement-to-scholas-occurrent.html