Wa Sarabyin Machyi Masha Ni Hpe Yu Lakawn Let N Nga Mat Sai Jau Ni Hpe Misa Hkungga Nawng Jau Ya Ai

Wa Sarabyin Machyi Masha Ni Hpe Yu Lakawn Let N Nga Mat Sai Jau Ni Hpe Misa Hkungga Nawng Jau Ya Ai Shiga

Chyoi Pra laban bat Mali Ya shani San Peter Nawku htingnu kaba kaw nawng jau ai Missa Hkungga hta machyi masha ni hpe yu lakawn let n nga mat sai Jau ni a matu yaw shada let Wa Sarabyin chyeju dum Misa Hkungga nawng jau ya lai wa sai.

Dai Misa Hkungga hta Madu Yesu Kasa ni a lagaw hpe gara hku kashin lai wa sai hpe myit dum na matu mung saw shaga da nga ai. Madu Yesu zawn Jau ni gaw Shanhte a Jau prat hte masha law law a matu ap nawng daw jau nga ma ai. Grau nna, Covid-19 ana zingli a majaw machyi hkrum nga ai masha ni hpe yu lakawn let n nga mat ai Jau ni hpe chyeju dum ai lam Missa Hkungga hta tsun lai wa ai. Chyoi pra ai laban Mali ya shani na ahkyak ai Kri madung hpe mung shi a Mungga hta tsun sanglang dan da nga ai. Dai gaw (1) Missa hkungga, (2) Daw jau ai lam hte, (3) machyi masha hpe nam man chya Sacramentu chyeju kum la jaw ai lam ni rai ma ai.

Wa Sarabyin Francis gaw “Madu Karai a tsawra myit hpe hkap la hkan sa ai Hkristan masha gaw teng sha hkye hkrang la hkrum lu na re” ngu matut n gun jaw da nga ai. “Anhte ni Shi a hkum hpe nhkam la; shi a asai hpe nlu ai rai yang sumsing mungdan shang lu na nre” ngu nna mung kahtap tsun da nga ai. Madu Karai Kasang a hkye hkrang la ai lam hpe hkam la lu na matu anhte a masin salum hpe hpaw da ya ra ai anhte Hkristan masha ni hkum nan chye na yak na re ngu mung shadum da nga ai.

San Peter “Madu nye lagaw hpe galoi mung kashin lu na nrai” ngu tsun ai zawn rai nga ai. Tim, Madu Yesu gaw “na a lagaw ngai nkashin ya lu ai rai jang nang ngai hte nseng na ndai” ngu bai tsun da nga ai hpe myit dum nga ga ngu na mung matut shadum da nga ai.

“Madu kaw na mara dat hkyam sa hkam la lu na matu hte galu kaba kung hpan wa na matu gaw Madu hpe anhte a masin salum chying hka hpaw da ya ra ga ai.”nga matut shadum n gun jaw da ai. Wa Sarabyin gaw “ngai Jau ni yawng hte ni htep ai hku nga mayu ai. Jau ni gaw Misa Hkunga nawng jau na matu sau chya da hkrum sai ni re” ngu tsun let “Jau prat hte seng na n tsun ai sha ndai misa hkungga hpe nawng jau na nre” ngu matut tsun da nga ai. mungdan shagu chyam bra nga ai Coronavirus ana zinli tsim yam hkrum ai ni hpe yu lakawn let si mat ai jau law law rai nga ma sai rai nna, dai zawn si mat ai jau ni gaw Italy mungdan hta law dik htum rai nga ai hpe Wa Sarabyin dum chye let Misa Hkungga nawng jau ya sai lam Vatican Shiga dap kawn shana da nga ai.

Source: Vatican News