Wa Sarabyin: Karai Kasang A Tsawra Ngu Ai Wan, MashaYawng A Matu Gun Sa Ai Ni Tai Nga Ga

August 27, bat kru ya, (Consistory) cardinal aya ap ya ai shani, Cardinal ningnan 20 hpe n-gun jaw ga tsun da ai.

Sagurem magam hta myit lawm hkum lawm atsam dat galaw shakut na lam, Karai Kasang a masat shadang, masat jarit n tawn da ai tsawra myit hpe sakse hkam sa wa na lam, akyu hpyi ai lam hta shakut shaja na lam, Ghana mungdan hta tsi tsi hkam la nna Roma kaw du wa ai Cardinal ningnan Richard Kuuia Baawobr a matu mung akyu hpyi ya na lam Wa Sarabyin Francis, Cardinal ningnan ni hpe n-gun jaw saw shaga hpyi shawn da ai.

Chyum laika hpe San Luka a Kabu Gara Shiga Laika kaw na la da ai rai nga ai.

"Ga ntsa de wan jahkru dat na, ngai du sa ring ngai; dai wan ja jang chyi kap sai rai taw gaw, ngai hpa n dawt shara nga na a ta?" (Lk 12:49)

San Luka ka da ai "wan" ngu ai ga si a lachyum gaw "Chyoi Pra ai Wenyi" hpe tsun ai rai nga ai. Karai Kasang a wenyi atsam hpe tsun ai rai nga ai. Dai gaw matsan dum lama ai tsawra myit rai nga ai; jasan jaseng ya ai, ningnan galai shai ya ai lam rai nga ai.

Hpung shawa a man hta (Public Consistory) Cardinal aya tang ya ai lam ndai gaw, Wa Sarabyin Francis a matu matsat (8) lang ngu na lang rai nga ai. Cardinal nnan (20) hta na (16) gaw asak 80 shi ni npu na ni rai ma nna shanhte gaw Sarabyin aya lata ai (Conclave) hta lawm mai ai ni rai ma ai; Ngam ai Cardinal marai mali gaw asak (80) a lahta na ni rai nna, shanhte gaw "Conclave" hta n mai lawm sai rai ma ai.

Cardinal aya hkam la ngut ai hpang, hkringsa Sarabyin Benedict XVI kaw, Wa Sarabyin Francis hte rau, sa dam sa kawan ma ai lam mung chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-to-new-cardinals-may-we-bring-fire-of-god-s-love-to-all.html