Wa Sarabyin: Karai Kasang Gaw Yawng Hpe Jahkrum Shatsup Lu Ai

August 28, laban shani, Wa Sarabyin Francis, Celestinian Pardon nhtoi a matu Italy Mungdan, L'Aquila mare kaba kaw sa du kawan ai shaloi, Colemaggio hta nga ai Sa Mary Basilica Nawku Htingnu Kaba hta Missa Hkungga nawng jau woi lai wa ai lam chye lu ai.

Missa Hkungga na mungga hta Karai kasang gaw yawng hpe jahkrum shatsup lu ai, ngu Wa Sarabyin Francis hkaw tsun da ai.

Ndai mungga hpe 1294 hta Nawku Hpung hpe woi awn lai wa ai Wa Sarabyin Celestine V ngu na wa, Karai Kasang a ntsa chye na shut lai wa sai ni hpe hkaw tsun lai wa yu sai re lam chye lu ai.

Karai Kasang gaw shi hta kam sham ai ni yawng a ntsa mahkra jahkrum shatsup ya ai, ngu ai ga baw hte mungga hkaw lai wa ai rai nga ai.

2009 shaning, nnang nawn kaba a majaw masha 309 shi ai shaloi Wa Sarabyin Benedict XVI L'Aquila mare kaba de hpang jahtum sa kawan ai rai nna, 13 ning na sai hpang ndai kalang Wa Sarabyin Francis bai sa du kawan ai rai nga ai.

Shaning shagu August 28-29 gaw L'Aquila mare kaba hta Kahtawlik Nawku Hpung masha ni a myit malai tawng ban, mara dat hkyamsa hkam la ai nhtoi (Perdonanza) re ai lam chye lu ai. Dai nhtoi ni hta perpetual plenary indulgence chyeju mung hkam la lu na lam, Wa Sarabyin Celestine V masat da lai wa ai re lam chye lu ai.

Dai shani Wa Sarabyin Francis, L'Aquila kaw Wa Sarabyin Celestine gaw de da ai "Holy Door of Celestinian Pardon" chyeju chyinghka hpe mung hpaw let shaman manggala akyu hpyi ga tsun da ai lam chye lu ai.

Before the opening of the Holy Door, Pope Francis offered the following prayer:

“Holy Father, God of our Fathers, God of Abraham, of Isaac, and of Jacob, rich in mercy and great in love who grants to the Church this time of penance and forgiveness so that she might have the joy of being interiorly renewed by the work of the Holy Spirit, and of always walking forward on your way, while remaining a sign of salvation and redemption in the midst of the world, deign to respond to our hopes: open completely to us the doors of your mercy, so that one day the doors of your heavenly dwelling may be open to us where Jesus your Son, and the first among the human race has preceded us that we might all together sing to you forever. Grant, we pray, that all those who cross this threshold with renewed commitment and firm faith might obtain salvation which comes forth from you and leads us to you.”

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-francis-homily-mass-in-laquila-abruzzo.html

https://www.vaticannews.va/en/pope/news/2022-08/pope-francis-opens-the-holy-door-of-st-mary-in-collemaggio.html