Wa Sarabyin: Jau Prat A Matu Shapan Shalat Ai Gaw Sasana Magam A Salum Re

image from Vatican website

November 10, bat mali ya shani, Latin American Jau Tai Jawng Ma ni hpe shapan shalat ya nga ai Rector ni, Formator ni hte hkrum zup ai lamang hta Wa Sarabyin Francis, Jau prat a matu shapan shalat ai gaw Sasana Magam bungli a SALUM re ngu tsun da nga ai.
Ndai hkrum zup lamang gaw the Dicastery for Clergy kawn lit la hpawng woi ai sharin hpawng dabang hta sa lawm shapan shalat sharin shara ni hte hkrum zup ai lamang re lam chye lu ai.
Ndai sharin hpawng dabang (course) gaw laklai lasan re ai (unique), rau maren sha re ai (integral), langai hta sha re ai (communitarian) hte sasana mung re ai (missionary) lam ni hte seng ai hpe madung da ai rai nga ai.
Wa Sarabyin gaw ndai lam ni hta na, langai sha re ai (communitarian) hte seng ai shapan shalat sharin achying ya na hpe madung da sumru woi da ai. Kaja wa sha teng hkrak re ai shinggyim wuhpawng hpe gaw de na matu gaw law htam ai Jau tai jawng ma ni hte law htam ai shapan shalat ai ni ra ahkyak ai lam tsun da ai.
Ndai hte seng nna galaw na matu gaw maigan mungdan Jau tai jawng, mungdan kata na Jau tai jawng, Saradaw ginwang kata na Jau tai jawng ni yawng myit hkrum myit ra, bawngban, daw dan, hkrang shapraw, ga sadi dung let rau jawm galaw gunhpai shakut sa wa na ra ai lam mung Wa Sarabyin Francis tsun shadum da ai.

By Fr. Patrick Gawmaw Hkawng Yae
#vaticannews
#rvakachinservice
https://www.vaticannews.va/en/pope/news/2022-11/pope-francis-priestly-fo...

Add new comment

19 + 1 =