Wa Sarabyin: Hpung Shawa Masha Ni Hte Man Hkrum Hkrum Shaga Ai Lamang Hpe May 12 Ya Shani Kaw Nna Shawoi Na Hte Maren Bai Galaw Hpang Na

“Pope’s General Audiences” hpe 2021 May 12, bat masum ya shani kaw nna shawoi na hte maren bai galaw hpang sana re lam Vatican kaw nna ndau da ya ma ai. The Holy See Press Office kawn lai wa ai bat mali ya shana maga daw hta ndau da ya ma ai.

Bat masum ya shani shagu Wa Sarabyin Francis Hpung shawa masha ni hte hkrum shaga ai lam hpe Covid-19 tsin-yam hkrum ai hpang, Italy Mungdan kata hte mungkan ting hta coronavirus chyam bra ai lam grai sawng lai wa ai majaw hpung masha ni hte man hkrum, hkrum shaga let sharin shaga ai lam hpe jahkring da ai raitim lai wa sai 2020 September 2 ya shani kawn kalang bai galaw hpang ai rai nga ai. Raitim, chyam bra ana bai rawt wa ai majaw 2020 November 4 ya shani kawn manhkrum hkrum shaga ai lam hpe jahkring da nna, online video lam hku galaw matut lai wa ai rai nga ai.

Ya kalang bai manhkrum hkrum shaga ai ladat hte hpung shawa masha ni hpe hkrum shaga hpang na rai nna, San Peter wang hta shang wa ai Bronze (gate) chyinghka hku shang ra na; shang na matu lakmat n ra sana; raitim, hkamja lam hte seng nna gaw jep joi ai lam naw nga na re lam Vatican Shiga Dap kaw nna ndau shana da ma ai.

By Fr. Patrick Gawmaw Hkawng Yae

https://www.vaticannews.va/en/pope/news/2021-05/general-audiences-with-the-presence-of-the-faithful-to-resume.html