Wa Sarabyin gaw Turin mungdan hta Labau Shang (shroud) sum pan hpe shapraw let akyu hpyi ai hta shang lawm ai shiga

Turin Mungdan hta nga ai labau shang sum pan gaw Chyum Laika hta rawng ai hte maren Madu yesu Udang hta jen noi si hkam ai shaloi, nma hkang raw  kap ai sum pan re majaw, Madu Yesu a moi mang hpe hkayawp ai sum pan re ngu masha law law hkap la nga ma ai lam chye lu ai.

Turin na saradaw kaba, Cesare Nosiglia gaw Chyoi Pra laban Mali ya shani dai sum pan hpe shapraw dan let de a shawng kaw akyu hpyi ai lamang hpe Covid-19 ana zingli a majaw (lock down) nta kaw sha machyu nga ra mat ai masha ni a majaw yaw shada re hpe mung chye lu ai.

Wa Sarabyin gaw, Turin saradaw woi awn gaw law ai dai livestream lamang hta shanhte hte rau akyu hpyi shang lawm sai lam tsun let de a matu  saradaw kaba hpe chyeju dum ai lam shagun laika mung ka dat ai lam chye lu ai.

Hkristan masha shagu gaw ndai Chyoi Pra laban kru ya shani hta Madu Yesu a lup hte seng nna madung da myit aru nga ga ai hte maren Turin Saradaw kaba gaw dai sum pan a shawng kaw akyu hpyi woi awn lai wa ai re lam chye lu ai.

Wa Sarabyin gaw April 9 ya shani dai zawn woi awn kyu hpyi lai wa sai Saradaw hpe “ndai zawn Covid -19 a tsin yam hkrum nga ai ni hpyi shawn da nga ai hpe ahkyak la hkrang shapraw kyu hpyi lamang hpe madi shadaw n gun jaw nngai” ngu ai shagun laika sa da ai lam chye lu ai.

1576 shaning (plague) kan hkyen ana zingli tsim yam hkrum lai wa sai Italy mung, Milan na Saradaw Kaba San Charles Borromeo gaw dai sum pan kaw akyu hpyi na matu rawt sa wa ai shaloi gaw dai sum pan (france) pyintik mungdan kaw nga ai lam chye lu ai. Saradaw kaba hkam ja lam nnga wa ai majaw dai sum pan madu Savoy na Duke gaw dai sum pan hpe Turin Mungdan de htawt sit da ai lam chye lu ai.

Wa Sarabyin Francis Turin saradaw kaba hpe chyeju dum n gun lu shagun laika sa arawng la ai shiga hpe Vatican kawn shana da nga ai.

#churchnews

#rvakachinservice