Wa Sarabyin Gaw, Na Nna,Yak Hkak Jam Jau Ai Ni A Matu Misa Hkungga Nawng Jau Ya Ai Shiga (20.4.2020)

Wa Sarabyin Na Nna Nna, Yak Hkak Jam Jau Ai Ni Hpe Garum Taw Nga Ai Ni A Matu Misa Hkungga Nawng Jau Ya Ai Shiga

Lata galang Kumla ga gale ya ai Sasana Mama langai mi a shagun laika hpe lu la ai hpang Wa Sarabyin Francis Laban kyu ya jahpawt na Missa Hkungga hta Covid 19 tsim yam hkum sha nga ai na nna ai ni a matu nawng jau ya ai lam chye lu ai.

Wa Sarabyin gaw Casa Santa Marta Nawku htingnu kaw “mani na nna ai ni a matu kumla hte ga gale ya ai Mama langai kaw na laika lu la ai” nga nna Misa Hkungga ga hpaw hta tsun hpang ai.

Covid 19 a tsim yam hkrum nga ai ni hpe yu lakawn na kade ram yak hkak na re hpe chye na nngai. “Dai majaw Coronavirus ana zinli kap na yak hkak jam jau hkum sha nga ai na lahpang ai ni a matu akyu hpyi ya ga” nga nna matut tsun da nga ai.

Wa Sarabyin Frincis gaw ahkya ai Geek ga rai nga ai “parrhesia” ngu ga si hpe hka hpum lu zawn prut ai; ninggin ja ai; gwi ai; ngu lachyum rawng ai rai nna, Kasa laika hta na Kasa ni zawn Madu mungga htawn hkaw Sara ni tai nga ga nga n gun jaw da nga ai.

Tinang hkum hpe kam ai myit hpe hkum la kau rit ga nga nna mung matut n gun jaw da nga ai. Parrahesia ngu ai lachyum gaw Hkristan masha ni a matu ahkyak ai ga si re. “Lai wa sai nhtoi ni hta nanhte kaning re ai ni re ai hpe bai dum nga mu. Dai nhtoi ni hta Karai Kasang a nhtoi hpe kam la lu ai hpang, tsin yam tsidam law law hkrum sha lai wa manit dai. Dai re majaw nanhte a nden marai hpe hkum kau hkum tat myit, shing rai yang, nanhte shabrai kaba lu la na marin dai” (Heb 10:32, 35) kaw na la nna n gun matut jaw da nga ai.

Wa Sarabyin gaw “Madu anhte hpe galoi mung ninggun ban ya u ga. Dai Hkristan masha ni a gwi ai ngu ai gaw htauli htaula myit chye ai hte ninggun kaba re” ngu ai akyu hpyi ga hte shi a Mungga hpe jahtum dai ai shiga hpe Vatican kawn ndau shana da nga ai.

Source:Vatican News