Wa Sarabyin Francis, Vatican John Paul (I) Foundation hpe gaw de ( 30 April, 2020 )

Wa Sarabyin Francis, Vatican John Paul (I) Foundation hpe gaw de hpang ai shiga

Wa Sarabyin Francis gaw Vatican hta Sarabyin John Paul (I) a mying hte garum ningtum hpung (Vatican John Paul (I) Foundation) hpe ningpawt hkridun gawde hpang da nna, Cardinal Pietro Parolin gaw de a (president) ningbaw n-nan tai wa sai.

Wa Sarabyin gawde hpang ai Vatican John Paul (I) Foundation hpe shawa masha yawng na ra hkra April 28, bat 2 ya shani htuk shapraw ai ndau shabra laika hte shawa daw tsa hpe shana da nga ai.

Ndai hpe Wa Sarabyin gaw February 17 ya shani daw dan da sai rai nna, de a yaw shada lam gaw Wa Sarabyin Yawhan Pawlu (I) a katsi hpe la nna, magam bungli hte myit sawn sumru lam ni hpe manu shadan shachyam shabra sa wa lu na matu re lam chye lu ai. Wa Sarabyin Yawhan Pawlu (I) hpe August 26 hta Sarabyin dang da hpang ai rai nna, 1978 September 28 hta jahtum ai re.

Wa Sarabyin Yawhan Paulu (I) a hpang na matut manoi ai htunghking lam yan hte sasana magam woi ningshawng ni a lam ni hpe sawk sagawn, kyem mazing, makawp maga lu na matu Vatican hta Sarabyin Yawhan Pawlu (I) a mying hte hpaw da ai ningpawt hkridun gawde hpung (Vatican John Paul (I) Foundation) hpe lit shatsam da ai lam chye lu ai.

Ndai Foundation gaw zuphpawng kaba kaji yawng hpe galaw ai; bai zuphpawng hte seng nna hkaja ai lam ni zawn re ai lam yan amyu myu hta gaw sharawt sa wa na re lam chye lu ai. Du na aten ni hta ndai Fundation kawn hpaji hkaja ai ni hpe garum ningtum jaw ai (Scholarships) hte kum hpa shagrau ai zawn re lam law law hpe mung ga law sa wa lu na re ngu myit mada yaw shada da nga ai re lam Vatican shiga dap kawn ndau shana da nga ai.

Shiga ka lajang ai;

Wa Jau Patrick Gawmaw Hkawng Yae