Wa Sarabyin Francis A Slovakia Mungdan hta, September 14 Ya Shani Na Lamang

Vatican kaw nna Hungary mungdan, Budapest de September 12, laban shani sa du nna, mungkan ting hte seng ai Kahtawlik Nawku Hpung a Misa Hkungga hte seng ai zuphpawng, International Eucharistic Congress ginchyum dat Misa Hkungga nawng jau ngut ai hpang Slovakia Mungdan de matut hkawm sa ai shani kaw nna September 14 ya shani du hkra rai yang masum ya rai sai rai nga ai.

September 14, bat 2 ya shani, Wa Sarabyin Francis Bratislava kaw nna Kosice de nbungli hte jahpawt hkying 8:10 a.m, aten hta rawt sa wa nna jahpawt hkying 9:00 a.m, daram aten kaw du ai lam chye lu ai. Hkying 10:30 a.m, aten hta gaw San John Nawku Jawng hta Byzantine Divine Liturgy, nawku daw jau hkrang hte Misa Hkungga nawng jau ngut ai hpang shana daw hkying 4:00 p.m, aten hta Kosice kaw na Roman wuhpung masha ni hte hkrum shaga ai. De a hpang hkying 5:00 p.m, aten hta gaw dai shara kaw na ramma ni hte hkrum shaga ai. Ramma ni hte hkrum shaga ngut ai hpang 6:30 p.m aten hta Bratislava de nbungli hte bai nhtang wa ai lam chye lu ai.

2011 shaning a jahpan hte maren rai yang, Slovakia mungdan hta Kahtawlik Nawku Hpung Masha gaw mungdan masha a tsa shadang hta na (65.8%) gaw Kahtawlik Hpung masha rai nna ndai lang Wa Sarabyin Francis sa du ai aten du hkra mung dai makam masham hta ru jung nga ai Kahtawlik wuhpung masha ni naw grin nga ai lam chye lu ai.

Mungdan a tsa shadang (62 %) gaw Roman Cahtolic Hpung masha ni rai nna, tsa shadang (3.8%) gaw Greek Catholic Nawku Hpung masha ni re lam chye lu ai.

Mungdan masha 5,397,036 kaw nna 206,871 gaw Slovak Greek Catholic Nawku Hpung masha rai nna shanhte gaw Byzatine Greek nawku htung tara hkan ai ni re lam chye lu ai.

Wa Jau Jaroslav Lajciak gaw R.C ni jai lang ai Vicar General hte bung ai Kosice na Eparchy a Protosyncellus re ai lam chye lu ai.

Vatican Radio Shiga Shapoi Dap kawn shi hpe san htai galaw ai hta Slovakia mungdan gaw sinwawp (lungs) lahkawng hte sak hkrung ai hte bung ai ngu shingdaw da ai. Lachyum gaw Sinpraw hte sinna htung nawku htung lailen lahkawng hte sak hkrung nga ai hpe tsun ai rai nga ai.

W Sarabyin September 14, bat lahkawng ya shani, Kosice kaw na Roma Kahtawlik htung lailen hpe hkan ai Kahtawlik wuhpawng ni kaw sa hkrum shaga ai rai nna, ap nawng hpawmi langai mi gaw shi dai kaw gara hku ap nawng nga ai mahkrum madup hpe tsun dan ai hpe mung madat hkam sha lawm ya ai lam chye lu ai. Dai shara hta mung masha 4,300 daram nga ma ai rai nna matsan ai ni rai ma ai lam, ding hku masha law law, hka taw ai, gas hte wan n lu ma ai lam, ma prat hta lawu tsang jawng hpe sha lung lu ma ai lam, shanhte gaw kade nna yang dinghku de nna kanu kawa tai wa ma ai lam ni hpe tsun dan ai rai nga ai.

Wa Sarabyin gaw Slovakia mungdan kata na ramma ni chyam bra ana Covid -19 kap chyam bra hkrum ai ni law nga ma ai hpe dum chye nna shanhte hte hkrum shaga n-gun jaw lu na hpe mung myit mada lam tawn da ai rai nga ai.

Bat lahkawng ya shani Presov hta Wa Sarabyin Francis Byzantine nawku htung lai rai nga ai “Divine Liturgy nawku daw jau lamang hpe galaw ai shaloi, anhte a masin salum ni hpe wudang de gayin sa wa ga, dai gaw htani htana asak jaw ya ai Hkristu Madu Yesu hpang de sa ai lam rai nga ai, ngu mungga hkaw tsun da nga ai.

Bat lahkawng ya shana daw maga, Kosice kaw na Roma Wuhpung ni hte hkrum shaga ai shaloi, Wa Sarabyin Francis gaw, masha kaga hpe jeyang daw dan ai, n kam n hten myit kaba ai, n ra sharawng lam nga ai gaw shada tsan gang hkat shangun ai lam sha re, simsa rapra, rau nga pra lu ai lam hta rau hkawm sa shakut ga ngu shadum n-gun jaw da ai.

“Nawku Hpung hta nanhte ni gaw grai nan ahkyak ai Nawku Hpung a salum ni rai nga ma ai,” ngu Wa Sarabyin Pawlu VI tsun da ai ga hpe bai myit dum shangun let Wa Sarabyin Francis shanhte hpe n-gun jaw da ai. Anhte a kashu kasha ni rai ma ai sasana ma ni gaw shada rau kanawn mazum let kunghpan rawt jat wa mayu nga ma ai; shanhte a prat hta shanglawt ai myit hte sak hkrung nga pra na ahkaw ahkang nga ra ai, ngu mung shadum jahprang da ya ai.

Slovakia, Kosice Lokomotiva Stadium hta Ramma ni hte hkrum shaga ai shaloi mung, ramma ni san ai ga san masum hpe htai ya let, shada da tsaw ra nga na hte wudang hpe tsaw ra chye na matu Wa Sarabyin Francis sharin shaga da ai.

Lokomotiva Stadium kaw lai wa sai 2018 shaning hta Anna Kolesarova hpe “A Lu Ai” masha dang lai wa ai rai nga ai.

Tuesday, Sept. 14

8:10 a.m. - Departure by airplane for Košice

9:00 a.m. - Arrival at Košice Airport

10:30 a.m. - Byzantine Divine Liturgy of Saint John

Chrysostom presided by the Holy Father in the square of the Mestská Športová Hala in Prešov

4:00 p.m. - Meeting with the Roma community at Luník IX District in Košice

5:00 p.m. - Meeting with young people at Lokomotiva Stadium in Košice

6:30 p.m. - Departure by airplane for Bratislava

7:30 p.m. - Arrival at Bratislava International Airport

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-09/vicar-general-of-kosice-celebration-of-byzantine-divine-liturgy.html

https://www.vaticannews.va/en/pope/news/2021-09/pope-in-slovakia-roma-community-a-volunteer-s-perspective.html

https://www.vaticannews.va/en/pope/news/2021-09/pope-in-slovakia-great-expectations-for-youth-event.html

https://www.vaticannews.va/en/pope/news/2021-09/pope-divine-liturgy-cross-slovakia-apostolic-journey.html

https://www.vaticannews.va/en/pope/news/2021-09/pope-in-slovakia-devotion-to-our-lady-of-sorrows.html

https://www.vaticannews.va/en/pope/news/2021-09/pope-francis-slovakia-pastoral-kosice-journey-roma-lunik-ix.html

https://www.vaticannews.va/en/pope/news/2021-09/pope-francis-address-young-people-slovakia-kosice.html