Wa Sarabyin Francis Kawn Mexico Mungdan Hta Otis Hurricane Ngu Na Laru Kaba A Majaw Jam Jau Hkrum Nga Ai Ni A Matu Shi Hkum Nan Myit Yawn Lawm Nga Ai Hpe Laik Hte Shalan Shabran Tsun Dat Ai Lam

Wa Sarabyin Francis kawn Mexico’s Guerrero mungdaw hta Otis Hurricane a majaw Masha Dozen lahkawng jan si hkrum mat ai majaw shi a myit yawn lawm nga ai lam tsun lai wa ai.Mungkan shadawn masat hta pi lai ai nbung laru kaba hpan manga(5) hta lawm ai Otis Hurricane nbung laru kaba gaw Mexico mungdan na sinna dingdu maga nga ai Guerrero mungdaw hta shawng na Bat Masum ya shani byin lai wa ai lam hpe chye lu ai.

Mexican lit ang ai ni kaw na shana ai shiga hta masha nlaw htum marai 27 si hkrum nna marai 4 gaw naw nmu tam shi ai hpe chye lu ai.Ndai mabyin ngut ai hpang Wa sarabyin Francis kawn shi a myit shalan shabran ya ai laika hpe telegram kaw na Cardinal Secretary of State Pietro Parolin hku na seng htu let the Metropolitan Archbishop of Acapulco a lit hkam Saradaw Kaba Archbishop Leopoldo Gonzalex hpang de shagun dat ai lam chye lu ai.

Wa Sarabyin Francis mung Hurricane a majaw hten za hkrum ai hte si hkrum mat ai masha ni a shiga hpe na ai hte kaja wa nan myit yawn lawm nga ai lam tsun lai wa ai. “Karai a lahpyen hta yup pyaw” mat sai ni a matu “Fervent Prayers” ngu na myit n-gun bai hkam la lu na matu kyu hpyi ya ai hpe chye lu ai.Wa sarabyin Francis kawn Hurricane a majaw jam jau hkrum hkam sha hkrum nga ai ni yawng a matu Karai Wa kawn shalan shabran ya ai chyeju hkam la lu na matu kyu hpyi ya lai wa ai.

Wa sarabyin kawn Guerrero State kaw nga ai Christan wuhpung wuhpawng ni hpe “Hurricane a majaw hten za mat ai shara ni hta bai gaw gap sa wa ai lam hta shang lawm” na matu yawng hpe aja wa tsun shadum da nga ai.Wa sarabyin kawn “si hkrum mat sai nta masha ni a matu myit yawn lawm nga ai lam hte” Acapulco kaw na masha ni, bai machyi hkrum nga ai ni hte yak hkak jam jau hkrum nga ai ni yawng hpe shi a myit n gun jaw lanu lahku nga ai lam hpe laika hku na mu chye lu ai.

Wa Sarabyin Francis kawn telegram hku nna sa dat ai shi a laika hta hpang jahtum hku na Apostolic Blessing shaman jaw ya let “hkrung rawt sai Madu Yesu hta Kam sham ai hte Myit mada” (faith and Hope in the Risen Christ) nga na lam tsun da ai hpe chye lu ai...

https://www.vaticannews.va/en/pope/news/2023-10/pope-francis-mexico-hurricane-otis-victims-telegram.html