Wa Sarabyin Francis A January Shata Akyu Hpyi Yaw Shada Lam

photo from Vatican Website

Zingri Zingrat hkrum ai Sasana Magam Gun Ni a matu akyu hpyi ya na matu, January 4, bat lahkawng ya shani, Wa Sarabyin Francis, ndau da ai hpe Vatican Shiga Dap kaw nna shalai ndau da ma ai.
Tinang a makam masham hpe tsun shapraw ai sasana galaw masha ni law law wuhpung wuhpawng kata hta zingri zingrat hkrum nga ma ai hpe grai myit tsang nga ai lam Wa Sarabyin Francis Video message kaw nna tsun shabra da ai.
Catholic Aid to the Church in Nees, kaw nna ndau da ai hta mungkan madan, wan 646 a lahta de re ai Hkristan masha ni gaw shang lawt ai makam hpe n lu ai sha dip da hkrum, shagrit da hkrum nga ma ai lam chye lu ai.
Dai majaw tiang a makam masham hta sak hkrung ai ni yawng hpe kahpu kanau zawn masat masa galaw hkap la hkat ra ai, ngu Wa Sarabyin Francis shadum n-gun jaw da nga ai.
“Sai rum nau na myit hte hkawm sa na lam hpe lata hkawm sa ga. Hpa majaw nga yang anhte yawng gaw kahpu kanau ni hkrai rai ga ai, shing n rai yang, anhte yawng hkrat sum mat mat na tsang ra ai,” ngu Wa Sarabyin Francis tsun ai.

By Fr. Patrick Gawmaw Hkawng Yae
#vaticannews
#rvakachinservice

https://www.vaticannews.va/en/pope/news/2022-01/pope-s-january-prayer-in...

Add new comment

2 + 0 =