Wa Sarabyin Francis Iraq Mungdan De Sa Kawan Ai Gaw Iraq Na Nawku Hpung Hte Ni Htep Ai Kumla Madun Ai Rai Nga Ai Ngu Cardinal Pietro Parolin Tsun Da Ai

Cardinal Pietro Parolin

 

Wa Sarabyin Francis a Iraq de hpung kawan ai hkrun lam hte seng nna Vatican Shiga Dap kawn hkrum shaga ai “interview” hta Vatican Amu Madu Cardinal Pietro Parolin a ningmu hpe Vatican kaw nna ndau da ya ma ai.

Shi tsun ai hta “Wa Sarabyin Francis a Iraq hkrun lam gaw dai mungdan na nawku hpung masha ni hte ni htep ai kumla kaba nan re ai” nga ai.

Ndai hkrun lam gaw chyambra ana Covid-19 tsin-yam hkrum ai hpang, Wa Sarabyin Francis a  shawng nnan hkrun lam, labau shang hkrun lam rai nga ai.

Ndai hkrun lam hta Iraq mungdan kata na mare kaba law law de sa du kawan ai rai ai.

Ndai hkrun lam gaw Iraq mungdan na Kahtawlik nawku hpung masha ni hte ni htep dik ai lam hpe madun dan ai hkrun lam mung rai nga ai lam Cardinal Parolin tsun da ai.

“Makam Hpung law law zingri zingrat hkrum lai wa sai majaw Hkristan hpung masha ni kaga mungdan de hprawng htawk hkawm ra mat ai lam ni mung nga lai wa ai.”

Dai majaw Iraq kaw nga ai nawku hpung masha ni a matu Wa Sarabyin hkum nan sa du na gaw grai nan ahkyak nga ai lam, dai gaw Yesu Madu hte Kabu Gara Shiga hpe gun sa ai mung rai nga ai lam, Wa Sarabyin Iraq mungdan de hpung kawan sa ai gaw Iraq mungdan hpe ningnan bai gaw gap na matu mung rai nga ai lam, ndai zawn shakut hkawm sa ai gaw akyang htenrun ai masa lam ni hte myu hpung garan ginhka ai lam ni hpe shatsawm ya na matu re ai lam Cardinal a ningmu hpe tsun dan wa ai.

Dai majaw Wa Sarabyin a Iraq hkrunlam gaw grai nan ahkyak ai re lam Cardinal tsun dan wa ai hpe Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

02 March 2021, 10:30

https://www.vaticannews.va/en/vatican-city/news/2021-03/pope-francis-iraq-apostolic-visit-church.html

 

Add new comment

7 + 4 =