Wa Sarabyin Francis Germany mung na Chancellor Olaf Scholz hte hkrum ai lam

Pope Francis

Wa Sarabyin Francis gaw Germany mung na Chancellor Olaf Scholz rau hkrum ai hta Ukraine hte Middle East hte seng ai majan ni bai nna hpyen yen ni rau seng ai mayak lam ni hpe tsun jahta bawng ban lai wa ai hpe chye lu ai.Wa Sarabyin Francis kawn Germany mung na Chancellor hpe Vatican kaw hkap tau la nna hkrum shaga lai wa ai rai nga ai..Lai wa sai 2023 ning na Wa Sarabyin Benedict XVI a makoi mayang lamang hta shawng nnan hku na hkrum hkat lai wa tim ndai kalang gaw alak mi hku nna hkrum shaga ai lam re ai hpe chye lu nga ai. Bai nna shan lahkawng gaw phone hku nna mung lai wa sai lahkawng ning hta Ukraine hta byin ai majan lam hte seng nna tsun shaga ai lam ni nga lai wa ai  hpe mung chye lu ai.

Wa Sarabyin rau hkrum ai hpang Chancellor Scholz gaw Vatican na Secretary rai nga ai Pietro Parolin rau bai hkrum shaga lai wa ai hpe chye lu ai.Ya na zawn Wa Sarabyin rau aten law law hkrum shaga la lu ai a majaw “the Social Democratic Politician” Hku na mung grai kabu chyeju dum ai lam tsun lai wa ai.

“Wa Sarabyin hte Chancellor Scholz ,shanhte ni gaw anhte hta madung byin nga ai mayak manghkang hte seng ai gabaw ni hpe”tsun jahta bawngban lai wa ai hpe chye lu ai.Shanhte jahkrum mat ai ga baw ni gaw “Russian kawn Ukraine hpe manghkang tam ai lam, dai majan a majaw masha law law si hkrum mat ai lam, Ukraine na freedom hte seng ai hpe jahkrit shama hkrum ai lam hte Middle East hkan byin nga ai majan hte seng ai lam ni hpe anhte ni gara hku simsa ai hte shimlum hkra galaw sa wa ra na hpe tsun jahkrup lai wa ai mung rai nga ai.

Ya na zawn jahkrup bawngban ai hta alak mi hku nna “ htawt sit nga ai masha ni, tara rap ra lam hte simsa ai hte rau nga sa na hte seng ai ga san ni hpe mung madung da tsun jahta lai wa ai hpe chye lu ai.Vatican press rung kawn nna “Secretary of State hte hkrum shaga lai wa ai hta shada da alum ala tsun shaga ai hte The Holy See hte Germany mung lapran hta gaja ai hku matut mahkai nga ai hte shada da chyawm galaw ai a apu asi ni byin wa ai lam hte Germany mung dan kata na Society hta Catholic makam masham a ahkyak ai lam ni hpe mung tsun shaga” lai wa ai hpe ndau shana da nga ai hpe chye lu ai.

Chancellor Scholz kaw na Wa Sarabyin hpe du na Germany mung hta galaw na European Championship poi lekmat hte Germany mungdan na dawng hkawn ahpraw lawm ai tsap sum la (bear) hpe kum hpa hku jaw lai wa ai hpe chye lu ai.Wa Sarabyin kawn mung Politician ni hpe “Social Love” ngu ka da ai magri sumla laika hpe jaw lai wa ai hpe chye lu ai. Dai hta “ma langai zawn tsap lu na matu karum la ai kumla” lawm nna “Amare Aiutare” ngu ai tsawra myit rau karum ga ngu ai magri laika” lawm ai hpe mung jaw lai wa ai.

https://www.vaticannews.va/en/pope/news/2024-03/olaf-scholz-chancellor-germany-pope-francis-migration-war.html

 

Add new comment

3 + 13 =