Wa Sarabyin Francis Canada Hkrun Lam Mahkrum Madup Bai Karan Kachyan

July 31, laban shani, Vatican, San Peter Shawa Pa hta, “Madu Lamu Kasa Akyu Hpyi Ga” tsun ngut ai hpang, Wa Sarabyin Francis, Canada hkrun lam mahkrum madup hpe kadun ai hku karan kachyan ai lam chye lu ai.
Canada mungdan kaw sa du ai shaloi, Ukraine majan tsin-yam hkrum masha ni hpe mung Canada kaw hkrum lai wa sana re ngu myit la ai lam tsun dan da nga ai.
Canada mungdan kaw kru ya tup sa du kawan ngu ai hpang, lai wa sai bat kru ya shani Roma de bai htang wa ai rai nga ai.
asuya ningbaw ni, buga masha ningbaw salang ni, Canada mung na Saradaw ni a lapran, ‘Penitential pilgrimage’ marawng raw prinem htingram lam galaw ya lai wa ai re lam tsun dan da nga ai.
Shi a matu akyu hpyi karum ya lai wa sai masha shagu hpe mung chyeju dum ai lam tsun let du na bat masum ya shani na ‘shawa masha ni hte hkrum shaga ai lamang’ hta aten la nna galu ai hku bai tsun da na lam mung ga hpaw da nga ai.
Canada mungdan de sa du kawan hkawm nga ai aten ni hta raitim, Ukraine masha ni a matu akyu hpyi ya nga ding yang re lam mung kahtap tsun da ai.
July 31, Laban shani gaw, Loyala na San Ignatius poi nhtoi mung rai nna, san Ignatius shaning ngu masat da ai shaning ginchyum dat nhtoi mung ang ai rai nga ai.

By Fr. Patrick Gamaw Hkawng Yae
#vaticannews
#rvakachinservice
https://www.vaticannews.va/en/pope/news/2022-07/pope-recalls-visit-to-ca...