Wa Sarabyin: Dingda Sudan Mungdan Kaw Sat Hkrum Ai Ma Ma Lahkawng A Matu Myit N Pyaw Ai Lam Tsun

Lai wa sai laban shani, dingda Sudan Mungdan, “congregation of the sisters of the Sacred Heart” Yesu A Salum Ningsang Ma Ma Hpung hta na Ma Ma marai lahkawng sat hkrum ai majaw, Wa Sarabyin Francis grai myit n pyaw ai lam, August 17, bat 2 ya shani, Vatican Shiga Dap kaw nna ndau da ma ai.

Sat hkrum ai Ma Ma yan gaw Ma Ma Mary Abud hte Ma Ma Regina Roba yan rai nna, grai nan n hkru, n htap n htuk ai hku sat hkrum ai re lam chye lu ai.

Shan lahkawng a sak jaw ap nawng ai gaw simsa lam hpe jaw ya ai, prinem htingram lam hpe jaw ya ai, simlam hpe jaw ya ai rai na hpe myit mada ai ngu Wa sarabyin Francis akyu hpyi let myit mada lam hpe Nawku Hpung a malai tsun da nga ai.

Dai Ma Ma yan gaw, lam ntsa kaw na nam shinawm, dingda Sudan mungdan a ginjaw mare kaba Juba kaw na Nimule de sa ai lam, Uganda mungdan hte lamu ga jarit ai kaw sat hkrum ai re lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-08/pope-s-expresses-grief-over-murder-of-two-nuns-in-south-sudan.html