Wa Jau Peter Nlam Tu Awng A, (25) Ning Hpring, Gumhpraw Jubili Poi Galaw La Lu Sai Shiga

Kamaing Jau Ginwang, Kamaing Kawng Ra, Holy Family Nawku Jawng Wang hta, jahpawt hkying 9 aten, Wa Jau kaba, Vicar General, Dr. Peter Hkawng Tu woi awn let, Jau ni marai 30, Ma Ma ni, Brother ni, Tara hkaw sara/num ni, hpung masha ni shang lawm ai Missa Hkungga nawng jau let, jubili chyeju hkam la lu saga ai

Wajau gaw, Slg. Peter Nlam Gam Hte Jan Labu Roi Yan kaw na, 1963 Ning March 5 ya shani shangai shaprat wa ai rai nna,1979 Shaning hta, Awng Nan San Columban Jau Tai Jawng kaji hta, jawng lung hpang wa let, 1983 ning May shata hta, Brother Shanggan hpun la lu sai rai nna, 1994 ning December shata Praw 1 ya shani hta gaw, Deacon aya hpe hkam la sai rai nga ai. bai 1995 ning, March 19 ya shani hta, Wasaradaw Paul Zinghtung Grawng a lata hta htani htana Jau aya hpe hkam la lai wa sai lam mung chye lu ai.

Jubili madu Wa Jau Peter Nlam Tu Awng gaw Kachyi Htu, Shing Bwi Yang, Danai, Hpakan, Putao, Kamaing Jau Ginwang ni hta ginwang up lit magam hpe gun hpai lai wa sai rai nna, lit shatsam hkrum ai hta shagrit shanem ai hte, madat mara nna, aput angun ntsun ai sha, kangka ai hte magam gun hpai chye ai, kasi la gring ai Wa Jau mung rai nga ai.

Misa hkungga Nawng la ngut ai hte matut manoi shagrau lamang galaw ai hta mung, Wajau lit magam gun hpai lai wa sai ginwang ni kaw na, hpung masha ni law law, Htung Hkring magun shat lit ni, kumhpaw kumhpa ni law law hte sa du shagrau lawm nga ma ai hpe mung mu lu ai

Add new comment

18 + 2 =