Wa Jau Micheal Myint Aung @ Maran Hkun Seng a Ahtik Labau

Wa Jau Micheal Myint Aung gaw shawng de Sagain Ginwang Mandalay Sasana, Mone Hla mare kaw nga lai wa nna, ya Myitkyina muklum Rampu lawk kaw shanu nga ai (Slg. Gregory U Lun hte Slg jan Maria Daw Tuk ) + Slg. Jan Maria Kyi Kyi Htay yan a kasha alat rai nga ai. Wa Jau gaw 1964 ning February shata 9 ya shani hta Jinghpaw Mung, Monyin Jau Ginwang, Nyaung Dung mare kaw shangai chyinghkai wa ai rai nna 1995 ning March shata 9 ya shani hta Myitkyina Muklum San Columban Cathedral Nawku Htingnu kaw Wa Saradaw Kaba Paulu Zinghtung Grawng a lata hta htani htana jau aya hpe hkam la sai rai nga ai. Kahpu kanau ni yawng marai Masum hta na Wa Jau gaw kahpu kaba rai nga ai. Dai ning 2020 ning hta Jau prat 25 ning magam gun Jubilee hpe hkam la na mung rai nga ai. Shi gaw hpunau Myen amyu sha rai nga tim mung Maran Hkun Seng ngu nna jahtawng htu amying shing teng hpe hkam la let Jinghpaw Mung Kahtawlik sasana magam hta ap nawng shakut lai wa ai Wa Jau kaba rai nga ai. 2001 ning hta Italy mungdan Roma mare kaw Moral Theology hpaji hpe madung dat hka ja la lai wa sai rai nga ai.

Wa Jau Micheal Myint Aung gaw ya ten Wa Saradaw a matsun hte maren Covid- 19 ana response team hta wenyi lam woi lit magam hpe gun hpai taw ai rai nna shawng de Kachyihtu, Mohnyin, Mogaung, Danai, Phakant, Katha jau ginwang ni hta mung magam gun lai wa sai rai nga ai.

Add new comment

5 + 15 =