Vatican Radio Shapoi hpang Ai (90) Ning Ladu Hkrum Sai ( 11 February 2021 )

Vatican Radio Shapoi hpang Ai (90) Ning Ladu Hkrum Sai

Vatican Radio Shapoi ai lam hpe 1931, February 12 ya shani, Wa Sarabyin Pius XI kaw nna hpaw hpang dat ya sai.

Vatican Radio Shapoi Dap gaw Sarabyin a Mungga hte Kabu Gara Shiga a myit mada shara lam ni hpe Mungkan ting de, lani myi hta hkying hkum 24 tup, shapoi hpang wa ai rai nga ai.

Kaja wa designed galaw nna setting jahkrat woi ai gaw Guglielmo Marconi rai nna, 2017 hta Jesuit Sasana Hpung hpe magam ap ya let shanhte kaw nna matu lit la galaw nga ai rai nga ai.

Ya aten hta Vatican shiga shapoi dap kaw nna myu sha ga hpan 41 hte nsen shapoi nga sai rai nga ai. Internet prat, social media prat hta rai tim, Vatican Radio hpe matut manoi shapoi nga ai rai nna, website hte web radio bai social media ni hku lani mi hta hkying hkum 24 tup shapoi ding yang rai nga ai.

Mungdan 69 hta Vatican Radio Shapoi Dap a matu ap nawng let magam gun ni yawng Karai Kasang hpe chyeju shakawn shagrau na matu Vatican Radio a hpa-awn (Directors) ni kaw nna bat lahkawng ya shani shapraw ai “statement” ndau laika hta tsun da ma ai.

February 12, bat manga ya shani kaw nna Vatican Radio (90) ning hpring masat dingsat poi lamang ni hpe amyu bawsang ga law law hte, webite: https://www.vaticannews.va/en/epg.html hta, shang yu mai ai lam mung hkringdat jaw da ma ai.

Ya ten Vatican Radio Kaw Na Shapoi Ya Na Ai Myu Sha Ga - 41

Albanian, Amharic, Arabic, Armenian, Belarusian, Brasilian, Bulgarian, Czech, Chinese, Croatian, English, Esperanto, Ewondo, French, German, Hindi, Hungarian, Italian, Kikongo, Kinyarwanda, Kirundi, Latin, Latvian, Lingala, Lithuanian, Malagasy, Malayalam, Polish, Portuguese, Romanian, Russian, Slovak, Slovenian, Somali, Spanish, Swahili, Tamil, Tigrinya, Tshiluba, Ukrainian, and Vietnamese.

Anhte RVA Jinghpaw Nsen shapoi ai lamang hpe Radio lam hku shapoi ai hpe, Vatican Radio Nsen Shapoi Dap hta 2018, July 1 ya shani kaw na shapoi ya nga ai rai nna ya du hkra matut manoi rai nga ai. RVA Jinghpaw Shapoi Dap a lamang ni hpe hkap madat la nga ai shiga madat ni yawng Vatican Radio (90) hpring ladu hkrum nhtoi hte ndai shata laman magam gun ni a matu akyu hpyi garum ya ga ngu n-gun jaw dat ga ai.

https://www.vaticannews.va/en/vatican-city/news/2021-02/vatican-radio-90th-anniversary-statement-web-radio.html

Ka Lajang ai  - Fr. Patrick Gaw Maw Hkawng Yae

                         Coordinator Of RVA Kachin

                         Myitkyina.