Vatican Madun Gawknu Bai Hpaw Na Shiga ( 13.5.2020 )

Vatican Museums set to reopen

COVID -19          a chyam bra ana zingli a majaw pat jahkring da hkrum ai hta rung ni, jak rung magam galaw ai shara ni, bungli galaw shara ni, hte hpaji jawng ni yawng lawm nga ai. Dai pat da hkrum ai ni hta Vatican madun gawk nu mung lawm nga ai.

Dai gawknu hta sa du hkaja la mayu ai ni a matu bai hpaw hpang wa sana re. Raitim, Vatican Tsi Dap Daju kawn lam matsun ai hte maren sha hpaw hpang wa na re.

Vatican Madun Gawknu hpe lai wa sai March shata hta pat jahkring da ai rai nna, ya shata (2) tup rai sai re. Ya bai hpaw ai gaw shawoi na zawn masha hkum nan madun gawk de sa du hkaja ai hku nre ai sha, madun gawk ni hpe sumla hkrung gayat nna, lit hkam ni kawn sang lang dan sa wa na rai nga ai.

Vatican kaw na Amu Madu lit hkam Saradaw hte hkrum shaga ai hta Madun gawknu hpe ya na zawn sa du hkaja ai gaw kaja wa sha tinang hkum nan shang du hkaja ai hku nrai mat sai. Tinang hkum nan sa dau hkaja ai ladat gaw shi hpe grau akyu jaw nga ai. Jangwai jangnai shingni hpaji hpe hkam sha lu na matu tinang hkum nan a myi hte dai sumla hkrang hpe nan azi yu ra ai re ngu shi a ningmu hpe tsun da nga ai.

Bai hpaw na lamang

Madun gawknu hpe bai hpaw hpang na aten ni wa sai rai nna, sa du hkaja na ni a hkamja lam hte seng ai pahkam (ama hkam) jaw lu hkra lajang taw nga ai.

Sa du ai ni a hkum katsi kahtet shadawn ai jak arung arai shi shara hte shi shakap taw nga sai.

Madun gawknu de sa du na ni a jahpan hpe taunau jaw ra na. Hpajaw nga yang lajang da ai gawk pa dam galu kaba ai hta hkan nna masha shadang hpe jahtuk ra na rai nga ai. Madun gaawknu de shang na matu shabrai janaw ra ai. Sa du hkaja ai ni n-gup magap mark hte myi man magap ra na. lit la magam gun ni nlaw la nga ai. Hpa majaw nga yang shawoi a aten nga yang magam gun gaw hkying hku rai nga ai majaw re.

Vatican gawknu hta sadu hkaja mayu ai ni lawu na link kaw shang yu mai ai kabu gara shiga hpe jaw dat nngai nga nna lit hkam Saradaw tsun ndau dat nga ai hpe Vatican kawn shana da nga ai.

https://bit.ly/2WM3jhO

 

#churchnews
#rvakachinservice

Add new comment

2 + 1 =