Vatican Hta Covid-19 Coronavirus Ana Zinli Nbyin Hkra Tau Makawp Maga Lam Grau N-gun Dat Nga Ai

Vatican hta Covid-19 Coronavirus ana zinli nbyin pru hkra tau makawp maga ai magam bungli ni hpe grau n gun dat galaw nga ai, nga nna Vatican hkamja dap ning tau lit hkam Professor Andrea Arcangeli tsun dat nga ai. Coronavirus ana kap ai masha langai hpe Vatican hta mu mada sai lam lai wa sai bat manga ya shani tsun shagrin dat ai hpang, ana kap ai masha kaga Vatican hta mu mada sawk sagawn lu ai lam nnga ai, nga nna March shata praw 8 ya shani Vatican shiga dap the hkrum shaga hta Professor Andrea Arcangeli tsun dat nga ai.

Professor Andrea Arcangeli matut tsun ai hta, “ya du hkra gaw Vatican hta Coronavirus ana byin kap ai masha langai sha naw mu mada ai, Vatican hta shanu magam gun nga ai ni hta ndai an nbyin pru na grai ahkyak nga ai majaw Vatican hta bungli shatsam hkrum na masha shagu gaw hkamja lam the seng nna jep sagawn ai lam ni hpe shawng hkam la ra ai, dai zawn galaw ngut ai hpang, hpang shani ndai masha wa hta ana a kumla ni mu mada wa ai majaw Gemelli tsi rung kaba de sa nna de a shawng shani Vatican de shi sa du lai wa ai lam shiga sa jaw ai. Tsi rung kaw nna Vatican de shiga shana wa ai, shiga lu la ai the rau dai shana jang Vatican hta hkyak hkyak zup hpawntg galaw nna dai masha wa the ni ni htep htep hkrum shaga hkrup lai wa ai ni hta ana nbyin pru hkra jawm lajang galaw na lam ni hpe bawngban lai wa ga ai. Vatican hta magam gun nga ai ni hpe hkyak hkyak tsi gawn lajang lam ni hta lai nna kaga hkamja lam the seng ai tsi rung magam bungli ni hpe gan jahkring da na matu mung daw dan lai wa ga ai, nga nna tsun dat nga ai.

Laban shani the Bat masum ya shani shagu San Peter pa kaba hta galaw ai Wa sarabyin a shawa hpawng hte hkrum shaga mungga shaga ai lam the seng nna Professor Andrea Arcangeli tsun ai hta gaw, “shawoi na zawn shawa hpawng kata de pru sa nna mungga shaga ai lam ni hpe jahkring da nna, Wa sarabyin shi shanu nga ai hkaw seng kata kaw nna mungga shaga ai lam galaw na, prat dep matut mahkai arung arai ni hpe sung lang nna wa sarabyin a mungga ni hpe shawa mash ani hpang de du hkra shalai ya lam ni galaw na re, ndai zawn daw dan ai lam mung Italy mungdan asuya lit nga ai ni the jahkrum bawng ban nna ana chyam bra ai lam ni hpe thing hkang lu hkra shawa masha law law hpawng de ai lam ni n galaw na matu lajang ai lam re, Vatican hta Covid-19 Coronavirus ana zinli nbyin pru hkra tau makawp maga ai magam bungli ni hpe grau n gun dat galaw nga ai nga nna Vatican hkamja dap ning tau lit hkam Professor Andrea Arcangeli tsun dat nga ai lam Vatican shiga dap kaw nna shana dat nga ai. 

Source; Vatican News