Tinang A Buga Ginra Hpe Manu Shadan Let Hkai Lu, Hkai Sha Ga

Mam jahkrat shapoi ai

Majan a majaw shaning ( 11 ) ning jan hpyen yen shakram kau da ai Prang Hku Dung mare hta hpyen yen camp hkan nga ai buga masha ni nkau mi bai wa nga nna Prang Hku Dung jau ginwang na buga hpung  masha ni a hkauna rai nga ai Nammawk Prang hkau na, na hkam hpe nawku hpung woi awn ai hte ta gindun let mare buga masha ni daining kaw nna bai galaw hpang ai ya daini apu pu ,asi si nna mam dan la lu sai rai nga ai.

Prang Hku Dung mare gaw 2011 ning hta majan a majaw shawng nnan hprawng yen ra ai mare buga rai nga ai. Ya  hpyen yen camp hkan nga ai buga masha ni nkau mi bai wa nga ai majaw kanu kawa ni a nsen shapraw hpyi shawn ai hte maren Wa Saradaw Wa jau ni myit ya nna ( 2022 ) ning kaw nna  sasana jawng hpe bai hpaw ya sai hte nawku hpung hkauna hpe mung bai galaw hpang sai. Ndai hkauna gaw lamu ga Eka hkying lahkawng  jan dam ai hkauna rai nna, daining gaw Eka tsa lam sha naw lu galaw hpang ai, gam bum hku tsun ga nga yang gam bum masum hta na gam bum mi daram sha naw lu galaw hpang ai lam Prang Hku Dung ginwang up, Wa Jau Joseph Lahpai Gam Hpang tsun ai kaw na chye lu ai. Htaning hprang ning grau nna n gun dat galaw lu na hpe lajang nga ai. Buga masha ni hku nna hkauna galaw yu sana nga nna hpyi shawn ai hte mare Wunpawng Mungdan Shang Lawt asu ya mung ndai hpe n gun jaw, madi shadaw la, nawku hpung ni mung myit hkrum ai hte shang lawm ai, grau nna buga masha ni n gun dat ai, tinang lamu ga hpe tinang makawp maga, hkai lu hkai sha nna nsi nai si ni hpe shu la lu sai. 

 

Ya mung ndai Prang Hku Dung ginra hta  Sut Hpaga galaw ai ni Ga sau shaw ai lam galaw wa nga ai majaw mare buga, lamu ga ni hten za mat na hpe buga masha ni myit tsang let ning hkap taw ai hpe mung chye lu ai.

 

 

By - Julia Ja Ing 

Add new comment

4 + 2 =