Simsa Lam Hpe Yaw Shada Let Minute Mi ram Azim Sha Nga Na Matu Hpyi Shawn 12 June 2023

online image

Wa Sarabyin Kawn Majan Ni Hpe Hkoi Mat,Zim Mat U Ga Ngu, Simsa Lam Hpe Yaw Shada Let Minute Mi ram Azim Sha Nga Na Matu Hpyi Shawn Lai Wa Ai Sai Shiga.

Wa Sarabyin Francis kawn mungkan ting na Majan ni sim sa wa na hte grau nna ya byin nga ai Ukraine kaw na Majan ni zim mat u ga ngu nna anhte ni yawng hpe Minute mi sha pi kyu hpyi ai hta aten jaw shang lawm na matu saw shaga lajin lai wa sai. Mungkan ting hte, grau nna Ukraine kaw byin nga ai Majan ni hkoi mat na matu sim sa lam hpe yaw shada let Minute mi aten jaw akyu hpyi ai lam hta shang lawm kyu hpyi ai, kam sham ai hpung masha ni yawng hpe Wa Sarabyin kawn shagrau kabu ai lam galaw lai wa sai.

Wa Sarabyin kawn Bat Masum ya jahpawt shi the rau galoi mung hkrum nga ai shawa ni hpe Majan a majaw shaning hku sha n-ga rai  hkam sha nga ai shinggyim masha ni a asak law law a matu, hpang jahtum hku nna Majan hpe sim sa na matu hpyi shawn ai lam galaw lai wa sai. Shi a yaw shada ai lam hpe St.Therese of the Child Jesus kaw ap tawn ya lai wa sai. Wa Sarabyin gaw Kasa ni a gwi ai myit marai zawn rawng nga ai lam dan dawng nga ai.

Wa Sarabyin kawn Italy hte Poland de kyu hpyi sa ai hpung masha ni hpe shakram ai hta Ukraine mungdan hte jam jau hkrum nga ai shawa masha ni a lam hpe bai tsun shana wa ai hte shawng e Italian ga hku shakram ai hpang wa ai hta tsun lai wa sai hpe jahtum hta e sim sa ai lam hpe hkrang shapraw sa wa na lam alak mi hku tsun nna bai shadum lai wa ai.

Hpang shani na June (8) na 1pm hta e mung Catholic Action International kawn woi awn ai hta nawku hpung shagu na kam sham ai hpung masha ni sa du let sim sa lam a matu yaw shada nna Minute mi akyu hpyi ai lam hpe galaw na yaw shada da ai lam hpe mung tsun lai wa ai. Bai Mungkan ting na Majan ni hkoi mat na hte grau nna anhte a tsawra myit hte Ukraine Mungdan a matu ndai saw shaga ai lam hpe hkap la nna rau sha shang lawm sa wa ga ngu nna mung tsun lai wa ai.

The International Forum of Catholic Action (IFCA) kawn Mung kan ting na kam sham ai hpung masha ni hpe June praw (8), Bat Mali ya shani hkying 1 pm hta Simsa lam a matu tinang a htung lailen hku Baw gum let kyu hpyi ai lam hta shang lawm na matu hpe hpyi shawn dat ai lam chye lu ai.

Wasayabyin Francis kawn lai wa sai 2014 june shata praw (8) ya shani President of Israel the Palestine up hkang Du ni hte Vatican kaw hkrum zup let Simsa lam a matu Choi Pra Buga ( Holy Land)hta rau sha chyawm kyu hpyi na matu alak mi hpyi shawn ai nhtoi hpe “Simsa ai Kyu hpyi Zuphpawng” a masat nhtoi ngu IFCA kawn masat shagrin wa sai lam hpe mung chye lu ai.

 

By; Fr. Patrick Nawlang Zau Jat Awng

 

https://www.vaticannews.va/en/pope/news/2023-06/decrying-war-pope-welcom...

Add new comment

8 + 8 =