Shingra Tara Makawp Maga Lam Hte Seng Nna Wa Sarabyin Francis Hkum Nan Shang Lawm Ai The Letter: Laudato Si Film Sumla Hkrung Madun

Shingra Tara Makawp Maga Lam Hte Seng Nna Wa Sarabyin Francis Hkum Nan Shang Lawm Ai The Letter: Laudato Si Film Sumla Hkrung Madun

Makau grup yin shingra tara makawp maga lam hte seng nna Wa Sarabyin Francis hkum nan shang lawm ai The Letter: Laudato Si Film sumla hkrung hpe Myitkyina Saradaw ginwang na Justice and Paece Commission ( JPC ) hte Humanity Institute ( HI ) ni woi awn nna Jinghpaw Mung hta byin taw nga ai makau grup yin lamu ga, nhprang sut rai ni hten za hkra machyi hkrum ai lam hpe makawp maga lu na yaw shada let makam masham hpung shagu hpe saw shaga nna sumla hkrung jawm yu ningmu jahpaw ai lamang hpe ( 29.11.2022 ) ya shani galaw lai wa sai. 

Dai shani na lamang hta sa du shang lawm ai hta makam masham hpung shagu de na Sara ni, ramma ni, uhpung uhpawng hta magam gun nga ai ni lawm ai. Sumla hkrung yu ngut ai hpang shada mu mada hkam sha lam ai ni hpe jahkrum bawng ban ai, garan kachyan ai lam hpe group hku bawng ban nna tsun shapraw ai, dinghkrai a ningmu hte hkam sha lam ni hpe tsun shapraw dan ai hpe galaw ai. 

Law malawng gaw shingra tara makawp maga lam hte seng nna tinang hkum nan galaw ra ai zawn dum nta kun dinghku masha ni hte makau grup yin na manaw manang ni hpe mung tsun dan ningmu jahpaw ai lam ni galaw ra ai lam tsun shapraw ai. Dai hta makam masham a ningbaw ningla ni, mungdan a ningbaw ningla ni nan hpe shingra tara hten za wa ai hpe kawn zing makawp maga ai hta shang lawm ra na lam tsun shapraw bawng ban ai lam ni nga ai. 

The Letter: Laudato Si  Film sumla hkrung madun ai a madung yaw shada lam gaw ya ten Jinghpaw Mungdan hta byin taw nga ai, hkra machyi taw nga ai shingra tara makau grup yin hten za ai, n hprang sut rai ni hkra machyi hten za ai lam hpe makawp maga na matu re ai lam lamang woi awn galaw ai ni tsun ai kaw na chye lu ai.

Shiga - Julia Ja Ing