September Akyu Hpyi Yaw Shada Lam: "Si Ari Dam Jeyang Hkrum Ai Ni A Dam Shaprai Kau Hkrum Mu Ga Matu Akyu Hpyi Ga!"

August 31, bat masum ya shani, Wa Sarabyin Francis a September akyu hpyi yaw shada lam hpe Vatican Shiga Dap kaw nna ndau da ya ma ai.

Shinggyim ahkaw ahkang hpe tawt lai nna si ari dam jaw ai mungdan tara hpe dawm la mu ga matu akyu hpyi na Wa Sarabyin saw shaga da ai rai nga ai.

Daini na prat hta gaw, si ari dam jaw ai jeyang ai lam mungkan shara shagu hta n nga sa nu ga matu hpyi sawn ai ni law hta law jat magang rai nga ai; ndai gaw Nawku Hpung ra sharawng lai wa sai hte maren, shi a myit mada shara nga wa ai kumla rai nga ai, nga nna Wa Sarabyin Francis tsun da ai.

Wa Sarabyin gaw "Pope's Worldwide Prayer Network" hta hkrang mu nsen na video hte sharin shaga da ai hta si ari dam jaw ai jeyang ai tara gaw anhte a a matu n ra ai, n nga ging ai, nga nna tara masa ningmu jut hku nna tsun sang lang da ai.

Ndai si ari dam jaw ai jeyang ai lam gaw shinggyim wuhpawng hpe hkra machyi shangun ai. Tara tawt lai ai ni hpe galai shai na lam hpe lata la n lu shangun ai, shanhte hpe hkye la na lam pat kau ya ai tai nga ai.

Myit mada chyinghka hku gaw tara jeyang lam shagu hta nga nga ra ai, nga nna Wa Sarabyin matut tsun sang lang da ai.

Si ari dam jaw ai gaw asak hpe jahten kau ai, sat kau ya ai lam re majaw gaw shinggyim nga sat nga sa tara masa hku ahkang n jaw mai ai; masha hkum shagu gaw shi a hpang jahtem aten hta galai shai lu mai nga ai, nga nna Wa Sarabyin tsun shadum da ai.

"Shinggyim sari manu hpe hkra machyi shangun ai si dam jaw ai lam mungdan shagu hta dawm la kau lu mu ga matu akyu hpyi nga ga" nga nna Wa Sarabyin hpang jahtum saw shaga da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-s-september-prayer-intention-for-an-end-to-death-penalty.html