Saradaw kaba lit shatsam ai shi ga, Saradaw nnan tang ai shi ga hte Mungkan Ramma nhtoi Magazine hte seng nna vatican kawn ndau da ai shi ga

Wa Sarabyin: June 19, bat manga ya shani Saradaw kaba lit shatsam ai shi ga, Saradaw nnan tang ai shi ga hte Mungkan Ramma nhtoi Magazine hte seng nna vatican kawn ndau da ai shiga ni hpe shalai ya na nngai

Rabaul Archdiocese kaw na Saradaw kaba Francesco Panfilo S.D.B. a hkring sa na matu hpyi shawn ai hpe hkap la nna, Saradaw Rochus Josef Tatamai hpe Rabaul Archdiocese a matu Wa Sarabyin Francis kawn Saradaw Kaba aya tang dat sai lam June 19, bat 5 ya shani, lit shatsam laika hte ndau shana dat ai lam chye lu ai.

Saradaw Tatamai a shingdu labau kadun

Daidaw buga- Raduna

Daidaw nhtoi- 1962, September 24

Jau aya hkam nhtoi- 1989, November 26

Saradaw aya tang ai nhtoi- 2005, July 8

Saradaw aya tang ai – Wa Sarabyin Benedict XVI

Ya Rabaul Archdiocese kaw Saradaw kaba lit magam bai gun hpai hpang na matu Wa Sarabyin Francis kawn lit shatsam dat sai lam Vatican kawn ndau da ai.

Bai, Wa Sarabyin Francis gaw Jau Michel Mulloy hpe Minnesota mungdaw, Duluth Saradaw Sasana a matu June 19, bat 5 ya shani, Saradaw aya tang dat sai lam chye lu ai.

Saradaw aya tang na matu lata la hkum ai Jau gaw USA, Rapid Saradaw Sasana na Jau rai nga ai. Shi gaw 1954, May 20 hta Dakota Dinda maga na Mobridge kaw dai daw wa nna, Jau aya hpe 1979, June 8 hta hkam la ai re hpe chye lu ai.

Ya Minnessota mungdaw, Duluth Saradaw Sasana lit hkam magam gun hpai na matu Wa Sarabyin Francis kawn lit shatsam dat sai lam Vatican kawn ndau da ai.

 

Mungkan Ramma nhtoi Magazine hte seng nna vatican kawn ndau shiga hpe shana ya na nngai.

 

 Mungkan Ramma nhtoi Magazine hpe online kaw manu shabrai nbang ai sha mai lu ai. Dai magazine gaw 2019, January shata, Panama kaw galaw lai wa sai (World Youth Day) Mungkan ramma nhtoi na matsing hpa ni hpe madung da ka da ai re lam chye lu ai.

Lai wa sai shaning (30) ning daram kaw na Vatican kawn (World Youth Day Magazine) Mungkan Ramma nhtoi Magazine hpe tara shang htuk shapraw hpang wa sai re. Yaw shada lam gaw Wa Sarabyin hte Mungkan Ramma ni lapran hkrum shaga ai a apu asi ni hpe hkam la lu ai masat dingsat matu rai nga ai.

Hpang jahtum na Mungkan Ramma nhtoi hpe Panama kaw galaw lai wa rai nna, 2019, Jaunuary 22-27 lapran galaw ai rai nga ai.

Mungkan Ramma nhtoi Magazine hpe myu sha laika ga hpan law law hte ka shapraw da ai. English, Spanish, French, hte Italian ga ni hpe John Paul II Foundation kawn lit la htuk shapraw ya nga ai. Mungkan Ramma nhtoi lamang ngut jang shaning shagu htuk shapraw ya ai. Madung yaw shada lam gaw Mungkan Ramma ni a mahkrum madup ni, hkrum tsup bawng ban ai lam ni, hte magam bungli ni hpe bai myit dum na matu rai nga ai. Magazine htuk shapraw ai 25 ning hpring masat dingsat hte online magazine hkrang hku htuk shapraw ai rai nna, manu jahpu njaw ra ai sha shaw hti mai ai rai nga ai.
Mungkan ramma nhtoi gaw Wa Sarabyin Yawhan Pawlu II a shingran kaba rai nga ai. 1984 hte 1985 hta Romma kaw Ramma ni lahkawng lang hpawng de ai hpang 1985, December hta (World Youth Day) Mungkan Ramma nhtoi hpe nhtoi masat hpaw hpang wa ai. Dai ten kaw na, shaning shagu Kungla shaman poi laban nhtoi hta Mungkan shara shagu kaw nga ai Jau ginwang madang, Saradaw Sasana madang, Mungdan madang tsang hte tsang galaw wa ma ai.

Du na (World Youth Day) Mungkan Ramma nhtoi hpe 2022, August shata hta Portuguese mungdan, Lisbon kaw galaw na matu masat da ai rai tim, Covid- 19 tsin-yam a majaw lai wa sai april 20 hta Vatican kawn 2023, August hta htawt sit lai da sai lam Vatican shiga dap kawn ndau da nga ai.

Ndai Magazine hpe World Youth Day Magazine hte Dicastery for the Laity, Family, and Life website kaw tam sagawn la mai ai lam vatican kawn ndau da nga ai.

 

https://www.vaticannews.va/en/vatican-city/news/2020-06/world-youth-day-magazine-online-dicastery-laity.html

https://www.vaticannews.va/en/vatican-city/news/2020-06/pope-francis-appoints-new-bishop-for-duluth-usa1.html

https://www.vaticannews.va/en/pope/news/2020-06/pope-appoints-new-archbishop-for-rabaul-papua-new-guinea.html

 

 

 

 

 

 

Add new comment

7 + 6 =

Please wait while the page is loading

Saradaw kaba lit shatsam ai shi ga, Saradaw nnan tang ai shi ga hte Mungkan Ramma nhtoi Magazine hte seng nna vatican kawn ndau da ai shi ga | Radio Veritas Asia

Error

The website encountered an unexpected error. Please try again later.