Sanpra Ai Valentine A Poi Nhtoi Masat Ginrun 28 Hkungran Sakramentu Hkam La

Kahtawlik nawku htung nga ai hte maren nawku hpung masha ni law law wa, hkrungran sakramentu hpe hkam la mayu ai raitim ja gumhpraw nlu ai, tinang hkrai galaw na yak hkak ai lam amyu myu nga ai hpe chye ai majaw ginwang up jau kaw nna galaw hpang ai lam rai nga ai.

 

Dinghku de, rau nga sha sai kaw nna gaw Karai Kasang a man hta chyoipra san seng ra ai,dinghku hta e hkristan dinghku ngu ai Madu Yesu Hkristu nan up hkang ai dinghku byin tai lu na matu gaw hkungran sakramentu hkam la ra ai.

Sanpra Ai Valentine gaw ramma shayi shadang sha ni a tsawra myit hpe kaja wa jet ai dinghku kanu kawa tai na matu tsawra myit, hkristan a tsawra myit hta e dinghku a tsawra myit tai wa lu hkra sharin shaga n gun jaw madi shadaw lai wa ai.

 

Valentine Day ngu ai hpe e kaja wa tinang a sumtsaw wa, sumtsaw jan hpe prat tup na matu myit dinglik yu let tsawra myit madun hkat ai, tsawra myit garan ai, grau nna tsawra myit ngang kang hkra, chye na hkra galaw la ai nhtoi re, dai hpe akyu hpyi let shakut ra ai.

 

Kaja wa tsawra myit ngu ai gaw simsa ai hte hpring tsup ai tsawra myit, Karai Kasang a tsawra myit de gayin shang wa lu hkra shakut ga.

 

Anhte a masin salum hta kahtet kamawt nga ai, tinggyeng myit n rawng ai tsawra myit de du wa hkra, manaw manang shada, sumtsaw wa, sumtsaw jan shada, dinghku kata hta mung, mungdan kata hta mung ndai zawn re ai tsawra myit de du wa hkra asak hkrung hkawm sa shakut ga.