San Pra Ai Irenaeus Hpe Nawku Hpung Makam Masham Doctor Hking Htawng Hte Shagrau Na Lam

San Pra Ai Irenaeus Hpe Nawku Hpung Makam Masham Doctor Hking Htawng Amying Shingteng Hte Shagrau Na Matu Hkyen Lajang Nga Ai Shiga

  Vatican Shiga Dap kaw nna, October 8, bat manga ya shani ndau ai hta gade nna yang San Pra Ai Irenaeus hpe Nawku Hpung a Doctor hking htawng amying shingteng hte shagrau sa wa sa na re lam lawm wa ai.

  Wa Sarabyin Francis hkum nan hpung shawa masha ni hte hkrum shaga ai shaloi, San Irenaeus gaw tsa ban lahkawng (2) daram aten hta Karai hpaji ninghkring mung rai, wenyi lam woi ningshawng mung rai, Sinpraw Dan Kahtawlik hte Sinna Dan Kahtawlik lahkawng lapran mahkrai hkrai ya ai wa mung rai nga ai, ngu labau hpe shagawn dan da nga ai.

  Wa Sarabyin Benedict XVI a lakhtak kaw nna, Lyon na San Irenaeus gaw Nawku Hpung hta “Doctor unitatis” Nawku Hpung kata ginlum kahkying gumding lam hpe jaw ya ai Doctor amying shingten jaw na masing nga hpang sai re lam chye lu ai.

  “Irenaeus” ngu ai mying lachyum gaw “simsa ai”, shing n rai, “simsa lam galaw shabyin ai wa” ngu ai rai nga ai.

  San Irenaeus gaw San Polycarp a hpang hkan  ai sape rai nga ai. San Polycarp gaw San Yawhan a hpang hkan ai kasa rai nga ai. San Irenaeus gaw Hkristan ni ginlum kahkyin gumding lam hpe mungkan madang zinglum lai wa ai wa rai nga ai. Greek ga shaga nna, Celtic hte Germanic myusha ni hpe sasana galaw lai wa ai wa rai nga ai. Barbarian myusha ni a ga ni hpe hka ja chye da ai wa mung rai nga ai.

  Nawku Hpung hpe zingri zingrat lam grai law ai aten hta sasana magam gun lai wa ai wa rai nga ai. Nawku Hpung hpe adawt ai heresy ni kaw na Hkristan makam hpe makawp maga lai wa ai wa rai nga ai. Neoplatinism ngu ai tara maigan ni hpe sasana galaw lai wa ai wa rai nga ai.

Source; Vatican News

By Fr. Patrick Gawmaw Hkawng Yae

#vaticannews

#rvakachinservice