Sak Ram Ramma Ni Shanhte a Prat Namchyim Hpe Hkam Sha Chye Na Matu N-Gun Jaw Ga Nga Nna Wa Sarabyin Tsun Ai

Sak Ram Ramma Ni Shanhte a Prat Namchyim Hpe Hkam Sha Chye Na Matu N-Gun Jaw Ga

  January 24, bat langai shani, Ramma ni shanhte a prat namchyim hpe hkam sha chye lu na matu garum ya ga ngu Matu Karum Ya Na ga, ngu Wa Sarabyin Francis Augustine canonesses sasana hpung ni hpe Vatican hta hkap la hkrum shaga ai shaloi chyeju dum ga hte rau n-gun jaw da ai.

  Ndai hpung hpe gaw de hpang ai ni rai nga ai San Pierre Fourrier hte Alu ai Alix Le Clerc yan yan re ai lam chye lu ai. shan gaw hpaji lam hte shapan shalat ai lam hta hkrum ang ai mayak lam ni hpe tawk lai nna Ramma ni a myit mada shara jaw let, mungdan shara shagu hta, karum ya ai gaw kasi la hpa kaba rai nga ai.

  Shanhte ni lata da ai, “The Educational Pact of the Congregation of Our Lady” “Nu Maria a kasi kamang hpe la ai hpaji lam hte seng ai lit magam” ngu ai ga baw hte maren Wa Sarabyin Francis shanhte hte bawng ban sumru ai lam galaw lai wa ai rai nga ai.

  Ngai nanhte a lam aru nga ai, nanhte hpe ru nga ai, nanhte hpe mung chye ai, ngu Wa Sarabyin Francis tsun ai lachyum gaw shi mung Nawku Hpung mung shanhte a ntsa kam myit kaba nga ai ngu ai lachyum re ngu mung Wa Sarabyin Francis dai shani sang lang da ai.

  “Nanhte a ga hkaw nsen, nanhte a tatut magam, nanhte a sakse hkam ai lam ni gaw mungkan ting de kabu gara shiga kaja shachyam shabra ai tai nga ai; nanhte a hkinghtawng, atsam marai hte magam bungli ni a matu chyeju dum nngai; Chyoi Pra ai Wenyi a chyeju gaw masha hkum shagu Hkristu a tsaw ra hpe tam mu la na matu rai nga ai; shara shagu hta ningnan re ai shara ni hpe shaman da nna, dai hta nau na tsaw ra myit majing nga ai shara shatai sa wa ga ngu hpaji jaw n-gun jaw da ai.

  Hpang jahtum mungga hta, “Tsaw ra ai kanau kasha ma ma ni e, ndai kap bra ana Covid 19 tsin-yam hkrum a ten hta mayak jam jau lam ni law law byin nga ai rai nna, dai zawn re ai masa lam hta Ramma shayi shadang sha ni a hpaji lam hta kaja ai kasi tai let shingtai hkam sha nga ai ni, myit ru myit tsang, yawn hkyen nga ai ni hte n-gun lagaw n rawng, atsam n nga sai ni kaw nihtep ai hku karum shingtau pawn pa gaw sharawt ya na matu nanhte hpe saw shaga nngai,” ngu Wa Sarabyin Francis saw shaga let, Karai Kasang hte Hkawnset Maria hta kam hpa kam shamyat nga nna magam bungli shachyen shaja sa wa lu mu ga matu shi a masin salum kaw nna nan shaman jaw shaman ya dat ai.

Source:Vatican News

By Fr. Patrick Gawmaw Hkawng Yae

#vaticannews

#rvakachinservice