Rawt Sa Nna Yesu Madu Hpe Sakse Hkam Ai Ni Tai Nga Mu Nga Nna Wa Sarabyin Tsun A

Wa Sarabyin: Rawt Sa Nna Yesu Madu Hpe Sakse Hkam Ai Ni Tai Nga Mu

  2021 shaning, Saradaw Ginwang Madang, Mungkan Ramma Nhtoi a matu, Wa Sarabyin Francis Mungga htawn da ai hta, Ramma ni hpe, rawt sa nna Yesu hpe sakse hkam ai ni tai nga mu, San Pawlu a lagaw hkang hpe hkan let sakse hkam mu, ngu n-gun jaw da ai hpe September 27, bat langai ya shani Vatican kaw nna ndau da ma ai.

  (36) lang ngu na Mungkan Ramma Nhtoi, World Youth Day (WYD) hpe 2021 November 21 ya shani galaw na rai nna, mungkan shara shagu na Saradaw Ginwang Shagu hta galaw na matu Wa Sarabyin Francis matsun da ai rai nga ai. Mungkan madang, Mungkan Ramma Nhtoi, World Youth Day hpe gaw 2023 shaning hta, Portugal Mungdan, Lisbon kaw galaw na re lam chye lu ai.

  Sharadaw Ginwang madang galaw na 2021 shani na Mungkan Ramma Nhtoi a matu Wa Sarabyin Francis a mungga hpe (message for the 2021 Diocesan WYD) ndai link kaw shang hti la mai ai. Ndai link gaw, September 27, bat langai ya shani ndau da ai Saradaw Ginwang madang kaw galaw na, WYD mungga rai nga ai.

  “Ya rawt nna jan rai tsap u, nang hpe nye a shangun ma tai u ga san da na matu nang kaw ngai dan pru ring ngai, nang gaw, dai ni nang ngai hpe mu mada lu sai lam hte, hpang de ngai nang hpe naw madun dan na ra de ai lam ni hpe masha kaga ni e sakse hkam dan na rai ndai,” (Kasa 26:16).

  Ramma ni hte seng ai magam ni hpe ya na zawn chyam bra ana tsin-yam a majaw yak hkam jam jau hkrum ten hta raitim Covid -19 ninghkap matsun mahkrun lam hpe n hprai ai sha, mungkan ramma ni matut mahkai let ahkyak ai magam lit ni hpe galaw sa wa na matu Wa Sarabyin a n-gun jaw matsun laika hta lawm nga ai.

Source: Vatican News

By Fr. Patrick Gawmaw Hkawng Yae

#vaticannews

#rvakachinservice