Pyal Sasana KMSS Magam Gun Ni Hte Pathein Sasana Hpung Magam Ni Myitkyina Sasana de Sa Du

Pyal Sasana KMSS Magam Gun ni hte Pathein Sasana Hpung Magam Ni ni Myitkyina Sasana de Sa Du

27.3.2019, bat 3 ya

Jinghpaw Mung de hka ja hkrun lam hku nna sa du gawan ai Pyal Sasana kaw na KMSS Karuna magam gun ni hte Pathein Sasana kaw na Nawku Hpung Magam gun ni hpe Myitkyina Sasana Sagurem wa, Wa Saradaw Francis Daw Tang hte Mungbawng Hpung Ginjaw kaw nna hkrup zup shakram ai lamang hte shana shat daw jaw ai lam hpe dai na de galaw lai wa sai.

Myen Mung Lawu ,Irrawaddy hka mayan hta shanu nga ai Pyal hte Pathein kaw na ndai Magam Gun ni gaw, Myen Mung Lahta daw hte lawu de na shai hkat ai lam ni hpe hkaja lu na matu, Mali Nmai Zup, Myitsone hte Alam Wudang Bum ngu ai kaning re ai shara ni re hpe sa du mu mayu ai majaw ya na zawn Jinghpaw Mungde Wutsawk sa ai re lam chye lu ai.

N dai hkrum zup ai hpawng hta ,Nawku Hpung kaw na galaw nga ai magam bungli lam ni  hte galaw mat na lam ni hta Sasana langai hte langai shada garum shingtau n gun jaw hkat  let rau jawm gun hpai shakut sa wa na lam tsun jahpra hkat lai ai lam ni mung galaw la lu sai.ai lam ni hpe 

Mungdan galu kaba na hpe ra sharawng ai raitim, shingra tara hpe jahten sharun nna galaw na masing (Myitsone Dam) hpe ninghkap ai lam tsun shapraw dat ma ai.

Ndai  wuhpung ni hta Pyal Sasana kaw na KMSS magam gun marai 40 (Tara hkaw Sara 2 lawm) hte Pathein kaw na Nawku Hpung Magam Gun marai 22 lawm ai lam chye lu ga ai.

Thomas