Prat N-nan Gaw Gap Ginra Masat Yang (8) Jawng Yu Poi Galaw

Jawng ma ni hte Comiti ningbaw ni sumla gayat nga yang/Photo :Thomas

Nang Hpam malu masha tsin yam hkrum ai ni hpe Nanghpam Tsimyam kaw na lawt lu na matu, tsawm htap ai prat nnan hpe gaw gap ya lu na matu hpaw tawn da ai Myitkyina,Chyet Pawng Shan Lawk kaw na Prat Nnan Gaw Gap Giran, Masat Yang (8) Jawng Yu Poi hpe November shata 12 ya shani galaw ma ai.

Jawng Yu Poi hta ,Myitkyina Sasana Sagurem wa ,Wa Saradaw Francis Daw Tang hte Columbau Jau ni, Lar Salette Ma Ma Kaba Mary Hka Raw, Ginjaw Mung Bawng Rung Salang ni, Num Hpung ni hte Jawng ma ni a Kanu Kawa ni sa du shang lawm ma ai.

N-dai (8) lang na jawng yu poi hta jawng yu ai marai (35) hte shawng na jawng ma marai (3), yawng marai (38) tup re ai lam ,Hkang Mung Kalay ,Hkamti hte Jinghpaw Mung shara shagu na asak 19 ning hte 48 ning lapran na jawng ma ni re lam chye lu ai.

Prat N-nan Gaw Gap Ginra hpe Myitkyina Saradaw Ginwang Ka Ni Nanghpam Pat Jasan Komiti kaw nna lit la ai hte 2015 ning hta hpaw hpang ai rai nna ya n dai masat yang (8) jawng yu poi hte rai yang nang hpam tsin yam hkrum masha marai 150 jan hpe shapan shalat prat nna gaw gap ya lu sai lam, ya ten hta Wa Jau Eamom hte Columban Jau manang ni woi awn let ,Lar Salette Ma Ma ni hte stuff marai 16 ram lit la galaw nga ai rai nga ai.

Shata 4 hta kalang jawng yu ai rai nna Masat yang (9) hpe 2019 January praw 8 ya hta hpaw hpang na re ai lam, Ka Ni Nanghpam Tsin yam kaw na lawt lu mayu ai ni kadai rai tim Amyu Hpung N-gyin hka mai sa lung ai lam, jawng shang shabrai gaw nnan shang ai hte 105,000, sha shabrai hte tsi mawan manu shata shagu 40,000 tup bang ra ai lam chye lu ga ai.

 

Thomas Mung Hpan / John Seng Tu

Add new comment

3 + 12 =