P.L.N Jau Ginwang Ningnan Lu Sai Ai Majaw Hpung Masha Ni A Kabu Ai Hkamsha Lam Nsen

Ginwang up jau tsun ai - 

Jau ginwang hpaw ai ngu ai gaw garan mat wa ai nre,up hkang ai hkrang hta grau nna masan sa ai hku up hkang woi awn lu na matu re majaw anhte mung nawku hpung hte langai sha,Saradaw ginwang hte langai  rai nga nna shakut shaja na ga ai.

Jau ginwang ningnan langai hpaw jat na matu gaw grai nloi ai, aten law law hkyen lajang ra ai re majaw daini gaw anhte Myitkyina sasana a matu grai kabu pyaw ai,arawng la ging ai nhtoi mung rai nga ai.

Tara Hkaw Sara tsun ai - 

PLN jau ginwang hpe hpaw ya sai majaw grai kabu chyeju dum ai,lai wa sai aten kaw nna anhte ra sharawng myit mada ai lam hpe shabyin ya ai majaw Wa Saradaw hte Jau kaba ni yawng hpe mung chyeju dum ai

Dai ni PLN jau ginwang ningnan hpe hpaw dat sai hte maren jau ginwang kaw e magam bungli hta ap nawng ra ai lam hpe e grau nna shakut shaja ra sai ngu ai hpe hkap la lu ai,

Daini jau ginwang hpe hpaw ai a marang e anhte sara ni nkung nkang re ai ni hkrai rai na re,rai tim mung,Karai Kasang a chyoipra ai Wenyi atsam jaw ya ai shaloi anhte galaw ra ai lit magam hpe galaw let ginwang up Wa Jau hpe garum shingtau madi shadaw ai lam hta shang lawm lu na re ngu nna myit mada ai.

Hpung Masha tsun ai - 

Ginwang up jau lu la ai majaw nye myit masin hta grai kabu ai,kanu kawa lahkawng yan nga ai zawn hkam sha ai, grai hkum lum ai dinghku kaw nga ai zawn grai kabu ai ngu nna tsun mayu ai.

Ya gaw ginwang up jau lu sai re majaw anhte a makam masham lam, kaga galu kaba lam ni yawng hta mung yawng hpe zinlum nna Madu Yesu myit ra sharawng ai hku woi awn woi sa lu na re,yawng gaw ngwi pyaw hkam kaja ai,myit hkrum myit ra ai jau ginwang rai na sai.

Anhte mung lam shagu hta grai shakut na re ngu  myit yaw shada da ai.