Pakistan Karuna Hpung Ni, COVID – 19 Tsin-Yam Hkam Jan Atsam N-Nga Ai Ni Kaw Sa Du Garum Shingtau Nga Ai Shiga

Pakistan Karuna Hpung Ni, COVID – 19 Tsin-Yam Hkam Jan Atsam N-Nga Ai Ni Kaw Sa Du Garum Shingtau Nga Ai Shiga

Pakistan kaw February 26 kawn Covid -19 ana tsin-yam hkrum hpang wa ai rai nna, Kahtawlik nawku hpung gaw dai hte seng nna makawp maga ai lam ni hta shalawm hpang wa sai.

Dai zawn Coronavirus ana hpe n-nan mu hpang wa ai hte maren Ana kanu kap masha mung jahkring na laman hta grai law jat wa ai. Pakistan hta ya ten Ana kap masha 50,000 lahta de nga taw sai rai nna, si mat ai 1,000 lahta kaw nga taw sai.Shinggan nmai le tara nga nga taw ai majaw matsan ai ni, ana kap ai ni hte shanhte a nta masha ni bungli n-nga mat ma ai majaw sak hkrung nga lu na matu nloi la ma ai.

(Pakistan Catholic Bishops’ Conference) Saradaw kaba zuphpawng daju kawn matsun ai hte maren Mungdan (165) kaw na Karuna (caritas) ni hte bawng ring madi shadaw Agency ni kawn Pakistan kaw dai zawn yak hkak nga ai ni hpe garum shingtau la ai lam hta laja lana shakut taw nga ma ai. Karuna (Caritas) Pakistan, dircetor, Anjum Gulzar gaw Pakistan hta Coronavirus Ana n-nan mu hpang ai hte maren ana kap masha jat law lawan wa ai rai nna mungdan gaw yak hta yak grau wa ai ngu tsun dan da nga ai.

Mungdan Asuya kawn mung masha a matu hkamja lam hte seng nna ana jep sagawn tsi lajang na matu hkyen wa ai hte maren Karuna (Caritas) Pakistan magam gun ni mung “update masa lam ni hpe shiga jaw lu hkra mahkyen ni hpe galaw sa let ta tut shakut shang lawm nga sai lam chye lu ai.

Covid -19 kawn makawp maga nga ai lam

(WHO) World Health Organization, UN’s Children’s fund UNICEF, Pakistan Mungdan Asuya Hkamja Dap hte kaga wuhpung ni kaw na matsun shiga ni hpe hkan sa let Coronavirus Ana kawn makawp maga lu na matu grai jau kaw na nan hkyen lajang sai rai tim, ana zingli chyam bra ai lam hpe hting hkang nlu mat ai re lam mung Gulzar matut tsun da nga ai.Ya na zawn lockdown galaw ai a majaw mung masha ni bungli nnga wa ai hte malu masha yak wa ai majaw sak hkrung lu na matu yak nga ai masha grai law wa nga ai nga Gulzar kahtap tsun da nga ai.Shani shagu shang gumhpraw nnga ai sha pru gumhpraw sha nga taw ai. Shang gumhpraw nga ai ni mung shanhte a malu masha na matu pyi nlaw nga ai nga nna mung tsun dan da nga ai.

 Dai zawn yak nga ai Saradaw sasana 7 kata na jau ginwang kata na masha ni hpe garum na matu Saradaw Sasana Karuna (Caritas) ni kawn ladat shaw garum ya nga ai lam Vatican Shiga Dap kawn sawk sagawn ndau shana da nga ai.

Source: Vatican News