Nsen Hkum Mahkawn Shing Jawng Lamang Galaw La Lu Sai

Waimaw Jau Ginwang ginjaw num hpung ni woi awn galaw ai Num Hpung ni a Nsen Hkum ( Choir ) mahkawn shing jawng lamang hpe ( 21. 10. 2023 ) Bat 6 ya shani Mahkaw Yang na San Peter Nawku jawng wang hta Sara Gaiwang ( 16 ) na kanu num ni hpung shang lawm shing jawng lai wa ma ai.

Ya na zawn nsen hkum mahkawn shingjawng lamang galaw ai lam gaw Nu num hpung ni nawku mahkawn mangwi ni hpe atsawm sha kung kyang ai hku chye mahkawn nna Karai Kasang hpe shakawn lu na matu, Sara gaiwang shagu na Nu nu hpung ni shada grau hku hkau kahkying gumdin lam lu na matu, shada da galaw lu ai atsam ni hpe shapraw dan lu na matu yaw shada ai.

Lai wa sai aten ni hta ka hkrang hte kaga lam ni hpe jau ginwang madang shing jawng poi lamang ni galaw yu sai raitim Nsen Hkum mahkawn shing jawng lamang hpe gaw dai ning shawng nnan lang galaw hpang ai re lam chye lu ai.

Kumhpa lu mat ai ni gaw

No ( 1 ) - Lawang Kahtawng Nu Num Hpung Ni

No ( 2 ) - Mali Mung Ra Yang Nu Num Hpung Ni

No ( 3 ) - Waimaw Nu Num Hpung Ni

No ( 4 ) - Nawng Hkying St. Peter Nu Num Hpung Ni rai nga ai.

Ningtau ginwang up Wa Jau Patrick Hkawng Re kaw nna n'gun jaw mungga tsun ai hta ya na zawn Waimaw jau ginwang hta nu num hpung ni n gun mi alu rai sa du shing jawng lawm ai majaw grai kabu n'gun lu ai lam, ya shing jawng mat wa sai maahkawn ni hpe ndai kaw jahkring da ai hku n re sha, mare buga hta bai akyu jashawn jai lang na matu tsun n'gun jaw ai. 

Shiga - Julia Ja Ing