November 21: Lam Ntsa Ni Hta Hkala Hkrum Sai Ni Hpe Myit dum Ai Nhtoi (World Day of Rememberance for Road Traffic Victims)

Word Day of Remembrance for Road Traffic Victims, Hkawm sa hkawm wa lam hta hkala nba hkrum ai ni hpe myit dum ai masat dingsat nhtoi a labau nga ai.

1995 shaning lam ntsa hkala nba hkrum ai ni hpe yu lakawn hpung hpe “the umbrella of the European Federation of Road Traffic Victims npu e gaw de hpang ai rai nna hpang daw de Mungkan madan galaw wa ai ai rai nga ai. Dai zawn mungkan madan galaw hpang wa ai mung Africa, dingda America, hte Asia ni hta na NGO wuhpawng ni hkap la hkan galaw wa ai majaw rai nga ai.

UN kaw nna gaw ndai nhtoi hpe 2005, October 26 ya shani kawn hkap la shagrin nna “lam ntsa hkala nba hkrum ai ni hte shanhte a kun dinghku masha ni hpe shalan shabran n-gun jaw, garum shingtauai lam hpe galaw hpang wa ma ai.

Hpang daw de Mungkan mungdan shagu ndai lam hpe hkap la let hkawm sa hkawm wa lam ni hpe shim lam nga hkra yu reng galaw jahtuk wa ma ai hte World Day of Remembrance for Road Traffic Victims nthoi hpe mung hkap la hkan galaw wa ma ai.

Yaw sin, shatawng shada lam ni

1. Lam ntsa ni hta hkala hkrum nna si mat sai ni hte laja lana rai hkala nba hkrum ai ni hpe myit dum nga na matu
2. Hkyak hkyak ra kadawn ai ni hpe hkyak hkyak garum shingtau sa wa lu na matu
3. Lam ntsa ni hta hkala nna si mat ai ni hte shawng dik ai hku hkala hkrum ai ni hpe lit la garum sa wa na lit hpe hkam la sa na matu
4. Lam ntsa hkala hkrum ai ni hte shanhte a kun dinghku masha ni hpe kaja dik garum shingtau sa wa lu na matu
5. Lam ntsa hkala nba n hkrum hkra makawp maga sa wa lu na matu ni rai nga ai.

Daining gaw November shata a masum ngu na laban hta ang ai rai nga ai.

Lam ntsa hkala nba hkrum ai ni hpe myit dum ai mungkan nhtoi hta, shanhte a matu hkyak hkyak garum shingtau nga ai ni, balik ni hte tsi tsi gawn lajang nga ai ni a matu mung myit dum akyu hpyi ya let shagrau sha-a mai nga ai.

(6) lang ngu na UN kawn masat ai, “simlam lu ai Lam, laban bat hpe lai wa sai May 17-23 lapran masat galaw lai wa sai rai nga ai.

Lam ntsa hta mawdaw Cycle ni hpe 30 Km/h (20 mph) madang sha hkawm gaw shinggyim masha ni hte dusat du myen ni a asak hpe makawp maga ai tai nga ai hte shinggyim wuhpung wuhpawng a salum hpe asak galu kaba shangun ai mung tai nga ai.

Lam ntsa hkala nba hkrum ai lam ni gaw, mawdaw, cycle ni hpe grai lawan ai hku gawt hkawm ai, namhpam tsa chyaru lu lai sha lai nna mawdaw, cycle ni hpe gawt hkawm ai, lam tara hte seng nna n chye ai, mawdaw gawt n chye ai, marang kaba ai ten, laru kaba ai ten mawdaw Cycle ni hpe gawt hkawm ai zawn re ai hte kaga mabyin ni a majaw mung rai nga ai.

Hkrunlam hkawm ai ni yawng simlam lu ai hku hkawm sa hkawm wa lu mu ga.

By Fr. Patrick Gawmaw Hkawng Yae

#rvaenglishwebsite

#rvakachinservice

https://www.rvasia.org/history/world-day-remembrance-road-traffic-victims-november-21