Nga Hkan Ai Ni A Nhtoi Hta Nga Hkan Ai Ni Hte Seng Ai Shinggyim Ahkaw Ahkang Hte Lit Magam Hpe Gaw De Shangang Shakang Da Ra Ai

November 21 ya shani gaw World Fisheries Day “Mungkan Nga Hkan Ai Ni A Masat Dingsat Nhtoi” rai nga ai.Dai shani, Cardinal Peter Turkson, the Prefect of the Dicastery for Promoting Integral Human Development, kawn Mungkan madang, Nga hkan ai hte seng nna ahkyak ai lam shadum jahprang ndau da nga ai.

Nga hkan bungli galaw ai ni gaw shanhte a bungli madu ni e aten n tam shangun sha ai hpe hkrum sha nga ra ma ai. Shani shana, nhtoi nsin aten tup nga tam ra ma ai. Kaning re ai duhkra ladaw ni hta raitimung, lamu marang htuk ai, n htuk ai ten ni hta raitimung, aten n tam nga hkan bungli hpe galaw shangun hkrum sha nga ra ma ai. Ndai zawn re ai shangun sha hkrum ai gaw shanhte a ahkaw ahkang hpe tawk lai ya ai tai nga ai, ngu Cardinal Turkson shadum sadi jaw da nga ai.

Laning mi hta Nga hkan masha 24,000 lahta de si hkrum ra nga ma ai. Nga hkan bungli gaw asak hpe dingbai dingna kaba jaw ai bungli rai nga ai, ngu mung tsun shadum da nga ai.

Ya na zawn chyam bra ana Covid 19 tsin-yam hkrum aten ladaw ni hta nga hkan ai bungli ni hpe mai byin ai made shayawm da ra ai lam, dai magam bungli galaw nga ra ai ni hpe mung Covid 19 ninghkap makawp tsi htu da ra ai lam Mr. Foley shadum shadi jaw da nga ai.

By Fr. Patrick Gawmaw Hkawng Yae

#vaticannews #rvakachinservice

Source: Vatican News