Nawku Hpung Shiga ( Church News ) 16 April, 2020

Laru kaba a majaw Jam jau hkrum nga ai ni hpe garum shingtau na hte akyu hpyi ya na matu US Saradaw ni: saw shaga dat ai shiga.

 

The United States Confrence of Catholic Bishops(USCCB) US Saradaw hpawng kaba hpe woi awn ningbaw(president) hte Tingyang up(chairman) yan gaw mundan a dingdung maga hta laru kaba a tsing yam hkrum nga ai ni a matu akyu hpyi ya na hte garum shingtau ya na matu saw shaga da ma ai.

Mississippi, Georgia, Arkansas, Carolina dingdung maga hte US mungdaw law law hta Chyoi pra laban bat hta Laru kaba ru lai wa ai rai nna, dai laru kaba hta masha marai 30 asak hkrat sum mat ai lam chye lu ai.

Dai laru gaw Texas, Louisiana, hte Virginia mungdan de mung du hkra mat ai rai nna, dum nta  nga shara ni law law dai laru hta hten rum mat ai lam chye lu ai.

Saradaw kaba Jose H. Gomez (US saradaw hpawng kaba ningbaw), hte Saradaw kaba Paul S. Coakley (US Saradaw hpawng kaba ting yang up) yan gaw US Saradaw ni a shabra laika hta laru kaba a majaw tsin yam hkrum nga ai ni hpe garum shingtau la na hte akyu hpyi garum ya na matu n gun jaw saw saga da nga ai.

Daini na aten hta Mungdan shagu chyam bra nga ai Coranavirus ana zingli a majaw jam jau nga ai rai nna, dai tsin yam hkrum hkra machyi nga ai ni hte si mat sai ni a matu mung akyu hpyi ya nga ga ai hte maren shanhte a matu atsam dat garum shingtau ya nga ai ni a matu mung  n gun lu akyu hpyi ya nga ai nga nna US saradaw zuphpawng shabra laika da tsun da nga ai.

 Ndai zawn tsin yam amyu myu hkrum hkra matchyi nga ai ten Karai Kasang gaw dai tsim yam hta hkrat sum mat sai ni, hkra machyi nga ai ni yawng hpe hkye la na hpe myit mada nga ga ai. Madu shi hkum nan si du hpe dang kau nga ai re hpe myit dum let htani htana asak hpe lu la hpe myit mada let karai kasang kaw kam sham dawjau nga ga nga nna mung matu n gun jaw saw saga da nga ai hpe vatican shiga dap kawn ndau shabya da nga ai.

 

Ka Lajang ai ; Wa Jau Patrick Gawmaw Hkawng Yae

 

Add new comment

1 + 14 =