Nawku Hpung Shiga ( Church News ) 13 January, 2021

Htaw Sit Nga Hkawm Ai Masha Hkying Kaba Balkan Na Grai Sawng Ai Nshung Ta A Tsin-yam Kaba Hta Jam Jau Hkrum Nga Ai

- American Mungdan Shiga hta hpyen tsin-yam kaw nna lawt lu na matu htawt sit hkawm ai matsan masha law law gaw hkyak hkyak garum ningtum ra kadawn nga ai lam, Masha 2,500 daram gaw katsi dik ginsum kata rawng nga ra ma ai hte hkum shalum na wan dat nlu ai sha jam jau nga ma ai.

- Shara gaw Bihac mare a dingdung maga re lam, Dai ginra na shalang ni mung makau grupyin hta nga shara lajang ya na matu ninghkap ma ai lam, Jam jau hkrum nga ai ni gaw nhtoi law law dai hta yak yak hkak hkak shakut nga tau ma ai rai nna, shanhte nga ai ginsum ni hpe wan nat nna hkum shalum la na madang galaw nga ma ai lam,

- Dai majaw shanhte nga na matu hpyen dap ginsum 20 hpe gap na matu hpyen dap kaw nna shakut nga ma ai lam, Htawt sit hkawm ai ni nga ai ginsum ni gaw madi manyap rai nna hkum pup hkum hpa ni hte hpring nga ai lam, Htawt sit hkawm ai ni n kau ni gaw dai zawn re ai shara ni hta n kam nga ma ai majaw ning hkap nga ma ai lam, Masha law law masan n sa ai hta nga ra ai majaw sindawng kahtet nna, ninghkap shingla nga ma ai lam, ya ten hta Red Cross ni a garum ningtum ai malu masha loili gaw hkam la lu hpang wa ma ai lam, Raitim, shanhte a matu garum ningtum law law naw ra nga ai lam United Nations International Organization for Migration kaw nna ndau da ya ma ai hpe Vatican Shiga Dap kaw nna January 10 ya shani ndau da ya ma ai.

By; Fr. Patrick Gawmaw Hkawng Yae