Nawku Hpung Shiga ( Church News ) 12 May 2020

Poland mungdan hkamja dap madi arung arai Vatican mungdan de garum dat ai shiga.

Poland mungdan masha ni shagun dat ai tsi arung arai ni hpe lai wa sai bat manga ya shani hta hkap la lu sai lam; ya na zawn myit tau ya let garum ningtum jaw yaw ai majaw vatican kawn chyeju dum ai lam tsun da nga ai. Italy mungdan hta Covid -19 ana tsim-yam hpe ladu lai hkam sha taw nga ai aten hta ndai tsi arung arai ni du wa ai rai nga ai.

Lai wa sa aten ni hta Wa Sarabyin hte Poland mungdan Gumsan magam wa ndai lam hte seng nna, phone hte shaga hkat lai wa sai rai nga ai. Dai zawn alu jaw garum lu ai gaw Vatican kaw nga ai Poland mungdan na sumtsan salang (Polish Ambassador) hte Wa Sarabyin a malai salang hte Poland mungdan na Cardinal Konrad Krajewski ni shakut wa ai majaw rai nga ai.

Poland mungdan na Cardinal gaw Covid -19 a tsim-yam hkrum nga ai majaw yak hkak hkrum taw nga ai Wa Sarabyin a masha ni hpe garum lu na matu shakut taw nga ai wa rai nga ai. Yak hkak hkrum ai ni hte rau hkam sha lawm ai Poland mung masha a laklai ai myit masa nan rai nga ai. Dai garum ningtum gaw Italy kaw nga ai tsim-yam hkrum nna matsan mayan rai nga ai ni hte Vatican kaw na magam gun ni a matu yaw shada ai re lam chye lu ai.

Poland mungdan mung Covid – 19 a tsin-yam hpe hkrum hkra machyi taw ai raitim, Italy, Spain, hte Jamany mungdan ni ram nsawng shi ai rai nga ai. Kaja wa nga yang Poland mungdan bai gaw gap sa wa ai hta shakut taw nga ai aten gaw rai nga ai ngu Vatican kaw nga ai Poland mungdan sumtsan salang kawn tsun sanglang da nga ai.

Ka Lajang Ai – Wa Jau Patrick Gaw Maw Hkawng Yae