N tara ai hku jeyang hkrum nna jamjau hkrum nga ai ni a matu Wa Sarabyin kyu hpyi ya ai shiga

Wa Sarabyin Francis gaw Chyoi Pra laban bat 2 ya jahpawt na, Casa Santa Marta Nawku Htingnu hta nawng jau ai Misa Hkungga hta n’tara ai hku jeyang hkrum nna jamjau hkrum nga ai ni a matu kyu hpyi ya ai lam chye lu ai.

Wa Sarabyin a ga hpaw hta “Daini, n’tara ai hku jeyang hkrum nna jam jau nga ai ni a matu akyu hpyi ya mayu ai; hpa majaw nga yang dai ni a matu shakut ya taw nga ai masha nga taw ai.” nga nna tsun da ai.

Madu Yesu myit sum nung ai raitim, Tara sara ni a hkan hkwi ai hpe hkrum sha lai wa sai re nga Wa Sarabyin matut tsun sanglang dan da nga ai.

Shi a mungga ginchyum dat hta Wa Sarabyin saw shaga da ai gaw “Madu Yesu a lam hpe sumru nga ga; daw jau ai lam hta shadi dung shakut nga ga;” nga ai rai nga ai. Anhte ni shaga la hkrum ai gaw daw jau na matu re; Nawku hpung hta shara kaja lu na matu hte a ja gumhpaw lam hta amyat lu na matu nre. “Daw jau ai ngu gaw tinang akyu matu galaw la ai lam nre.” nga nna Wa Sarabyin tsun shadum da ai. Madu yesu hkum nan Dau jau katsi kamang hpe jaw da sai re. Shi a si du hkra daw jau lam gaw Shi a hpung shingkang dan hkrung lam rai nga ai. “Shi a prat hpe yu yang hkrat sum ai zawn rai nga tim daw jau lam kaba nan re.” nga nna mung tsun sang lang da nga ai.

Wa Sarabyin gaw anhte ni yawng San Peter zawn tinang shut gataw ai shaloi myiprwi hte hkrap madai akyu hpyi gwi ra ai nga tsun shadum da let  n’tara ai hku jeyang hkrum ai majaw yak hkak jam jau hkrum nga ai ni a matu akyu hpyi ya ai lam Vatican shiga dap kawn April 7, bat 2 ya shani ndau shana da nga ai.

#churchnews

#rvakachinservice