Myitkyina St.Columban Cathedral Hta Chyeju Dum Poi Masat Galaw

chyeju dum nsi nai si ni

Myitkyina, St.Columban Cathedral hta chyeju dum poi masat nsi nai si hte chyeju dum alu sak jaw ai lamang hpe dai hpawt 8:00 na Missa hkungga hta galaw la lu sai.

Lai wa sai ten Mung masa pyaw nna, ana zinli n hkrit tsang ra ai aten ni hta gaw chyeju dum poi hpe hpung masha ni yawng shang lawm nna wu wu di di rai galaw ai raitim ya aten na masa lam a majaw sa lawm lu ai hpung masha n kau mi hte sha chyeju dum poi lamang hpe galaw ai rai nga ai.

2021 ning na chyeju dum poi masat hpe Myitkyina, Shatapru, PLN jau ginwang ni hte kaga jau ginwang n kau hkan, Manmaw Saradaw ginwang na jau ginwang n kau hkan  mung  mai byin ai ladat hte galaw lai wa ma ai lam chye lu ai.

Myitkyina saradaw ginwang hta November shata 23 ya shani ang ai Jinghpaw Mungdaw hpe makawp maga ai San Columban a poi nhtoi hpe myitdum let, lai wa sai ten jau ginwang n kau mi hkan  ginsup shing jawng poi ni, chyeju dum  nlung nnan sha poi ni hpe shaning shagu wu wu di di galaw lai wa sai mung rai nga ai. 

 

Shiga - Julia Ja Ing

 

Add new comment

11 + 6 =