Myitkyina Sasana Ginjaw Ramma Ni Training Of Trainers (TOT) Sharin Hpawng Galaw

Myitkyina Sasana, Ginjaw Ramma Dap kaw nna galaw ai lamang ni hta na langai rai nga ai,Training of Trainers (TOT) ngu ai , Ramma ni hpe sharin ya na Ningbaw Ningla, sharin Sara ni a Sharin dabang hpe, Awng Nan, St.Columban Cathedral, Nawku Jawng wang,St.Columban’s Minor Semiary Jawng gawk hta  2019 April 1 ya shani kaw nna 12 ya shani du hkra galaw  nga ai lam chye lu ga ai.

TOT ngu ai Sharin Sara ni hpe sharin ya ai Sharin hpawng hta, Jau Ginwang 18 kaw na Ramma Dakkasa ni, Brother ni ,Ma Ma ni hte Tara hkaw Sara Saranum ni , Asuya Magam Gun ni  mung shang lawm let yawng pawng marai 65 shang lawm sharin nga ai lam  chye lu ai.

Sharin ai lam hta Ramma Ningbaw Ningla Hpaji, Ramma hte Bawngring Lam, Ramma hte Makam Masham, Kahtawlik Nawku Hpung a sharin shaga ai lam, Anti-Human Traffic ngu ai Masha Htinglet ai lam hpe makawp maga ninghkap ai lam, masha hpawng kata  hkaw tsun hpaji machye machyang, hte Ga tsun shingjawng Debate ngu ai hte seng nna Ramma ni chye mai ai ningpawt ninghpang hpaji  ndai zawn re ai  Ga Baw Kaba, Lawnglam ni hpe madung sharin ya ai re lam chye lu ga ai.

Ndai sharin Hpawng  ngut ai hte Jau Ginwang 11  kaw na woi awn galaw na Ramma  sharin hpawng ni hta ya sharin hkam la sai ni hku nna woi awn sharin ya ai lam, garan kachyan ya ai lam ni galaw mat na re lam chye lu ai.

Thomas