Myikyina Saradaw Sasana hta (4) tup Ramma Lit hkam gun hpai woi awn lai wa sai Wa Jau Hpe Shakram ai hte Lit hkam nnan Wa jau hpe hkalum lamang galaw lai wa sai shiga

 Kahtawlik Sasana, Myitkyina Saradaw Ginwang Ginjaw Ramma Hpa-awn Lit hkam (youth Director) magam lit hpe 2016 ning kaw nna magam gun hpai lai wa sai Loikaw Saradaw Ginwang kaw na Wa jau Gerald Saw Hpohkwar hpe  chyeju dum shagrau ai the shakram lamang hpe 16/6/2020 ya shani Alam Akyu Hpyi Bum Lagaw hta galaw la lai wa sai. Ndai Lamang hta Ginjaw Ramma Hpa-awn Lit hkam (youth Director) magam lit hpe gun hpai sa wa na Wa jau Bunghku Lawt Naw hpe mung hkalum lamang hpe galaw lu saga ai. Ndai lamang hta Myitkyina Sasana lit hkam Sagurem wa,Wa Saradaw Francis Daw Tang,Wa jau La Sam,Wa jau Shan Lum,Wa Jau Lawt Naw,Wa Jau Gerald Saw Phokhwar, Wa Jau Kurt,Mama kaba John Paul,Mama Nhtung Yun Ja, jau ginwang shagu kaw nna Ramma datkasa ni shadu shang lawm ai hte RAM wuhpung, Justice and Peace Commission hte DYC ramma magam gun U sa ni mung shang lawm let  Wunpawng Magun shatlit  hte kumhpaw kumhpa ni hte shagrau la saga ai.

Wa Saradaw Francis Daw Tang kawn, Wa jau Hpo Hkwar hpe chyeju dum shagrau mungga hpe shaga ya nna, Wa Jau Peter Bunghku Lawt Naw hpe lit satsam mungga hte hpawn n gun jaw la sai. Wa Jau Punghku Lawt naw gaw 2018 ning hta jau tai wa nna Myitkyina jau ginwang ningtau ginwang magam hku nna magam hpai lai wa ai rai nga ai.

#churchnews

#rvakachinservice