Music Hte Seng Ai Ningmu Jahpaw Hkaw Tsun Lam Myitkyina Jau Ginwang Na Music Committee Galaw

Myitkyina jau ginwang, music komiti ni woi awn nna nawku jawng shagu hkan music ninghpaw jahpaw hkaw tsun ai hte shangwi shapyaw lamang ni galaw ai.

Music gaw kaja wa shinggyim masha a matu akyu rawng ai hpaji re ai hpe chye wa lu na matu, ndai hpe mu la nna nawku hpung kata shakut shaja sa wa mu ga ngu ai yaw shada lam lahkwng hte galaw ai re lam Myitkyina jau ginwang a music komiti hpa woi Sara Gumring La Sam tsun ai.

Music ngu ai gaw mahkawn hkawn na, dum na dai sha nre.

Music hpaji ngu ai gaw mungdan hpe tsawm htap hkra woi awn woi sa lu ai, simsa lam hpe gaw sharawt ai, masha a myit masa, sari sadang hpe sharawt ya ai hpaji, labau lara hka ja ai hta mung grai ahkyak ai hpaji langai re.

Mungdan shagu, wuhpung wuhpawng shagu na ningbaw tsang de nga ai ni yawng gaw music hpe hkam sha chye ai ni law nga ai.

Jinghpaw Mung sasana, Myitkyina sasana hta hkan yu hkawm ai shaloi Kahtawlik nawku hpung kata hta  music gawng kya ai lam hpe mu lu ai. Hpa majaw gawng kya ai lam hpe maram yu ai shaloi music ngu ai hpe hpung masha ni atsawm sha nchye na ai, music ngu ai gaw hpa baw re ngu ai hpe ta tut  hta atsawm sha nchye ai majaw rai na re ngu ai hpe mu mada lu ai. Music hte seng nna ningmu jahpaw ai lam ni mung n nga ai majaw rai na re ngu mu lu ai majaw Myitkyina jau ginwang music komiti kawn  musin hte seng ai ningmu jahpaw hkaw tsun ai hte shangwi shapyaw ai lam hpe nawku jawng shagu galaw hkawm  ai lam rai nga ai.

By - Julia Ja Ing