Mungkan Matut Mahkai Nhto, (World Communications Day) Ga Manoi: “Madat Nna Na La U”

Wa Sarabyin , photo-Internet

Vatican ndau ai “Mungkan Matut Mahkai Nhtoi”, World Communications Day Ga Manoi: “Madat Nna Na La U”

  (2022) shaning hta galaw na (56) lang ngu na Mungkan Matut Mahkai Nhtoi a matu Wa Sarabyin Francis lata ai “Madat Nna Na La U” ngu a ga manoi hpe September 29, bat masum ya shani Vatican kaw nna ndau da ma ai.

  (2021) shaning na Mungkan matut mahkai nhtoi ga manoi gaw “Pru Sa Nna Mu La Mu” ngu ai rai nga ai. (2022) shaning a Mungkan Matut Mahkai Nhtoi a matu Wa Sarabyin Mungga htawn ai shaloi, madat nna na la chye na hkra sharin la mu ngu sharin da ai hpe “The Holy See Press Office kaw nna World Communication Day a ga manoi hku lata nna ndau da ai rai nga ai.

  Chyam bra ana kap machyi hkrum nga ai masha shagu hpe chye lu hkra shagawn madat nna shalan shabran n-gun jaw na hpe shanhte ra kadawn nga ma ai.

  “Madat nna na la ai lam” gaw shi jaw shi la ai a ahkyak kaba mung rai nga ai. Teng man lam hpe tam ai hta madat nna na la ai kaw nna hpang ai. Shinggyim matut mahkai ai hta mung dai hte maren rai nna, sakse hkam ai mung rai nga ai.

  Shada matut mahkai hkrum shaga, bawngban ai lam ni hta mung madat na la ai kaw nna hpang ai. Lapran salang, kasa tai na ni, ningbaw ningla ni, hpang hkan nang ai ni, yawng gaw madat nna na la ai ladat hpe sharin la ra ai. Ningtawng ai shinggyim matut mahkai ai ni tai na matu mung madat nna na la ai ladat hpe kung kyang da ra ai.

  Yesu Madu hkum nan madat nna na la chye na matu sharin da ai hpe Lk 8:18 hta mu lu na ga ai.

  Kaja wa madat ai ni gaw atsam dat ra ai, myit masin salum hpe hpaw da ra ai, n ju n dawng, n kam n hten ai myit hpe la kau ra ai. Anthe yawng gaw shada matut mahkai, kanawn mazum ai hta teng man ai, kaja ai masha ni tai na gaw madat nna na la chye hkra sharin la ra ai ngu shadum let dai hta hkawm sa na matu Wa Sarabyin Saw shaga da ai hpe Vatican Shiga Dap kaw nna ndau da ma ai.

 

Source; Vatican News

 

By Fr. Patrick Gawmaw Hkawng Yae

#vaticannews

#rvakachinservice

Add new comment

1 + 11 =