Mungkan Htawt Sit Nga Hkawm Ai Ni A Masat Nhtoi Gaw Shimlum Hte Nga Pra Lu Na Hpe Shadum Ya Ai

Mungkan Htawt Sit Nga Hkawm Ai Ni A Masat Nhtoi Gaw Shimlum Hte Nga Pra Lu Na Hpe Shadum Ya Ai

Htawt sit nga hkawm ai ni a matu masat da ai nhtoi gaw shanhte ni shimlum ai hku sak hkrung nga pra lu ai ahkaw ahkang nga ai hpe myit shadum ya ai re lam, Wa Sarabyin Francis, tsun shadum da ai hpe the Vtican Discastery for Promoting Intergrl Human Development kawn ndau da ai hpe, March 21, bat lahkawng ya shani, Vatican Shiga Dap kawn ndau shana da ma ai.

 

Shaning shagu, "World Day of Migrants and Refugees" hpe September a hpang jahtum laban hta galaw na matu masat da ai. 2023 shaning hta gaw September 24 ya shani ang ai rai nga ai. (109) lang ngu na "World Day of Migrants and Refugees" rai sana rai nga ai.

Shadut shagyen nna dum nta kaw nna tsan ai shara ni de htawt sit hkrum ai ni hpe garum shingtau ya na, makawp maga ya na, wanglu wangla ahkaw ahkang tam ya na matu hte shanhte a matu akyu hpyi na yaw shada let 1914 shaning kaw nna masat shagrin da ai.

Htawt sit hkawm ra ai ni hpang kalang bai htawt sit n ra ai ahkaw ahkang lu ra ai, nga ra ai. Tinang a dum nta hta nga nga lu ai ahkaw ahkang, hte seng ai tara upadi, mungdan shagu hta tawn da nna hkan shatup ra ai. Yawng a akyu ara hpe yu ra ai; dum nta n lu ai ni hpe nga shara lajang ya ra ai.

 

Sarabyin Benedict XVI hte Sarabyin San John Paul II yan sharin shaga lai wa sai lam hpe mung Wa Sarabyin Francis madun da ai. Message for the 99th World Day of Migrants and Refugees in 2013, hta German Sarabyin Benedict XVI, htawt sit nga hkawm ai ni a ahkaw ahkang hte seng seng nna ahkyak da hparan masing jahkrat gaw de sa wa rai lam tsun shadum da nga ai. Htawt si nga hkawm ai ni, bai kalang n htawt sit ra hkra karum ya na ahkyak ai, nga nna Wa Sarabyin Francis madi madun da ai.

 

1998 shaning hta, "tinang a mungdan hta shingbyin nga lu ai ahkaw ahkang gaw shinggyim n'hpawt n'hpang ahkaw ahkang kaba rai nga ai, raitimung, htawt sit nga hkawm ai ni hpe shayawm, jahkring, shingdang ya ai lam ni nga jang she ndai ahkaw ahkang masan sa na ra ai, nga nna, Sarabyin San Yawhan Pawlu II tsun lai wa ai hpe mung Wa Sarabyin bai tsun shadum ya ai.

Shaning shagu "World Day of Migrants and Refugees" hte seng ai lam hpe grau chye na hkra, "the Dicastery for Promoting Ingegral Human Development" kawn ga baw ga manoi shaw machye machyang myi hpaw lam woi ya nga ai rai nga ai.

 

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2023-03/world-day-of-migrants-and-refugees-to-focus-on-right-to-stay.html

 

Add new comment

10 + 1 =