Mungkan Hta Asak Kaba Dik, French Ma Ma (asak 118) Madu Hta Wun Doi Wa Sai

rvaenglish website

Asak 118 ning re ai French Ma Ma, January 17, bat lahkawng ya, jahpaw daw 2:00 am aten, Madu hta wun doi wa sai lam, Sasana Ma Ma Hpung ni a spokesperson, David Tavella shana wa ai hpe CNN Shiga Dap kaw nna ndau shana da ma ai. RVA English Website kaw nna mung January 18 ya shani shalai ndau shana da ma ai.

"Anhte ni yawn hkyen ga ai, raitim, ndai gaw shi hkum nan ra sharawng ai lam rai nga ai; sumsing mungdan de wa magang sai shi a hpu nau nau na ni hte hkrum zup na lam rai nga ai; shi shang lawt lu sai rai nga ai" nga nna Tavella tsun shana da ai.

Gerontoogy Research Group's World Supercentenarian Rankings List (jahpan) hte maren, shi gaw mungkan hta asak galu dik jahpan shang ai re lam chye lu ai.

Shi gaw 1901 shaning, February 11 (ten years before World War I) ya shani, Dingda Frecnch na Ales mare hta shangai ai Ma Ma Andre Ucile Random rai nga ai.

Kawa yan kanu gaw Paul Random hte Alphonsine Delphine Yeta Soutoul rai ma ai.

Asak (19) ning aten, Protestant kaw nna Kahtawlik Hpung masha tai wa ai.

"The Sisters of Charity of Saint Vincent De Paul" ngu ai mying hte mung chye lu ai the Congregation of Daughters of Charity Sasana hpung hta shang ai. Mying hpe gaw n nga wa sai kahpu a mying hpe la nna Ma Ma Andre ngu hkam la ai re lam chye lu ai.

 French mungdan, Vichy mare kaba na Tsi Rung kaw 28 ning tup ap nawng lai wa ai.

 Dai tsi rung gaw chyahkrai ma ni hte asak kung dinggai dingla ni hpe gawn lajang tsi tsi ya ai tsi rung rai nga ai.

 Sinpraw-dingda French na La Baume-d’Hostun Tsi Rung hta mung ap nawng magam gun lai wa ai.

1979 shaning hta asak 75 ning hpring nna hkring sa wa ai.

Dai hpang 30 ning tup French Alps kaw na asak kung dinggai dingla ni hpe yu gawn ai shara kaw shanu nga lai wa ai.

2009 October 25 ya shani hta shi a nta masha ni kaw htawt nga wa ai.

2010 shaning hta gaw myi n mu mat sai rai nna wheelchair hte sha hkawm sa hkawm wa lu mat ai.

Asak kung, myi n mu mat sai raitim tsi tsi hkam la nga ai ni hpe yu gawn lajang ya let shi a prat hpe jahtum la lai wa ai.

1918 shaning na mungkan ana zingli Spanish flu mung hkrum sha lai wa yu ai hte 2021 shaning hta mung kap bra ana Covid-19 ana zingli mung kap lai wa yu ai.

2021 shaning hta Covid-19 ana kaw nna bai mai tsai wa ai rai nna, dai shaning asak 117 rai sai hte mungkan hta asak kaba dik Covid ana kaw na mai tsai wa ai jahpan mung mat ai.

Shi a prat hta Wa Sarabyin marai shi (10) galai wa sai rai nna, Wa Sarabyin Francis gaw shi (10) ngu na wa rai nga ai.

Mungkan Hta Asak Kaba Dik sak hkrung nga lai wa yu ai An American-born Spanish, María Branyas Morera (asak 115) hta asak grau sak hkrung nga lai wa ai hku nna labau shang mat ai Ma Ma Andre a wenyi hte kam sham ai ni a wenyi ni gaw Karai Kasang a matsan dum ai hte ngwi pyaw ai hta ban sa nga mu ga law!

 

By Fr. Patrick Gawmaw Hkawng Yae

#rvaenglishwebsite

#rvakachin

https://www.rvasia.org/world-news/worlds-oldest-person-french-nun-dies-118

 

Add new comment

8 + 10 =