Miwa Company Kawn Galaw Shapraw Ai Coronavirus Tau Hkrau Makawp Maga  Tsi 

28 June 2020, Beijing Mare Kaba, Reauter

Coronavirus hpe tau hkrau makawp maga ya lu ai tsi mawan htuk shapraw lu na matu shinggyim masha ni kaw chyam yu ai lam galaw ai hta tsang ra ai lam nnga ai sha, masan sa ai hte mahtai kaja pru ai lam Miwa gumsan Mungdan, Biotec Group (CNBG) Company kawn June shata 28, laban shani tsun shapraw dat ma ai. Lahkawng lang ngu na chyam yu ai hta mung n-gun lu ai lam matut tsun dat ma ai.

Beijing Mare kaba hta nga ai CNBG Unit kawn  galaw shapraw da ai tsi hpe hkum hkrang hkam kaja ai masha 1120 kaw chyam yu madang tsang lahkawng hku ta tut htu chyam yu ai shaloi, dai masha ni hta ana kanu hpe makawp maga ya lu na madang lu shapraw ai hpe mu lu ai nga nna CNBG company kawn Wechat ganhkau ntsa hta ka shapraw tsun da ma ai.

Miwa Company ni hte Sawk sagawn ninghkring ni gaw, Covid-19 makawp ninghkap tsi hpan 8 hpe Mungdan kata hte shinggan masha ni kaw chyam yu na matu ahkaw ahkang lu da sai hte maren, Mungkan ting masha sen manga (500,000) ram asak si sum shangun ai coronavirus hpe ninghkap kau lu na matu Miwa Mungdan gaw shawng npan madung tai wa sai rai nga ai.

Miwa asuya hte matut mahkai nga ai CNBG company gaw, ndai shata nnan daw hta , Wuhan  kaw na galaw shapraw ai  kaga coronavirus makawp maga tsi ni hpe masha ni kaw chyam yu ai shaloi mung, hkrit tsang hpa nnga kaja ai mahtai pru ai lam tsun da ma ai.

Ndai Coronavirus tau hkrau makawp maga tsi mawan hpe tsang madang 3 hku masha hkying kaba hpe htu chyam yu nna,  kaja wa masan sa makawp maga lu ai mahtai pru wa jang she dut shabra ai lam galaw na re nga nna Reauter shiga dap kaw da ai nga ai.

Source : MSN

 

Add new comment

5 + 6 =

Please wait while the page is loading

Miwa Company Kawn Galaw Shapraw Ai Coronavirus Tau Hkrau Makawp Maga  Tsi  | Radio Veritas Asia

Error

The website encountered an unexpected error. Please try again later.